Baǵdadta 4 jasóspirim fýtbol oıyny kezindegi jarylystan qaza tapty
ASTANA. QazAqparat - Baǵdad qalasynyń ońtústik-batysyndaǵy Madın qalasynda búgin jarylys bolyp, 4 adam qaza tapty, 18 adam jaralandy, dep habarlady lifenews.ru.
Jergilikti BAQ-tyń habarlaýynsha, jarylys jasóspirimder komandalary arasyndaǵy fýtbol matchy kezinde bolǵan. Qaza tapqan, jaralanǵandardyń deni - balalar.
Eske sala keteıik, sporttyq shara kezinde lańkester tarapynan jasalyp otyrǵan birinshi oqıǵa emes. 25 naýryz kúni Irak astanasyndaǵy stadıondardyń birinde jankeshti jarylyp, 29 adam mert bolǵan.
