Baǵdadta 3 elshilik jaryldy, qurban bolǵandardyń sany saǵat sanap kóbeıýde
ASTANA. Sáýirdiń 5-i. QazAqparat - Baǵdadta oryn alǵan lańkestik áreketterdiń qurbandarynyń sany 42 adamǵa jetti , jaralanǵandardyń sany 230-dan asty. Buǵan deıingi aqparattarda 38 adamnyń qazasy týraly aıtylǵan bolatyn,
dep habarlaıdy «RIA «Novostı» agenttigi.
Esterińizge sala keteıik, senbi kúni Irak astanasynda Mysyr, Germanııa ján Iran elshilikteriniń janynda birneshe jarylys boldy. Ispanııanyń dıplomatııalyq ókildigi de zardap shekti, dep habarlaıdy Associated Press.
Qaza tapqandardyń ishinde - elshilikterdi kúzetken birneshe ırak sarbazy bar. Jaralanǵandardyń tórteýi - Mysyr elshiliginiń qyzmetkerleri ekeni habarlanyp otyr. Iraktyń quqyq qorǵaý organdary qyzmetkerleriniń atap kórsetýinshe, jarylystar bir ýaqytta bolǵan.
Mysyr elshiliginiń kúzeti jankeshti mingen mashınaǵa oq atqan, biraq soǵan qaramastan elshiliktiń aýmaǵyna enip, bombany iske qosyp úlgergen. Bul áreketter úshin jaýapkershilikti ázirge birde-bir ekstremıstik top óz moınyna alǵan joq.
