Baǵdad arab áleminiń mádenı astanasy boldy
ASTANA, 24 naýryz. Baǵdad «arab áleminiń mádenı astanasy - 2013» degen resmı ataqqa ıe boldy. Bul rette Iraktyń bas qalasy áıgili oryndaýshylardyń kontsertteri, kórkemsýret kórmeleri, bı ujymdarynyń óneri, mádenıet jáne óner qaıratkerlerimen kezdesýler sııaqty kóptegen is-sharalar ótkizedi, dep habarlaıdy Rosbalt.
Qurmetti mártebe berý týraly jarııalanǵan saltanatty rásim Baǵdad ortalyǵyndaǵy saıabaqtardyń birinde ótti, dep jetkizdi «Vestı».
Abbasıd halıfi Ál-Mansurdyń ókimi boıynsha VIII ǵasyrda salynǵan qala júzdegen jyldar boıy tek arabtyń ǵana emes, sondaı-aq, barlyq musylman áleminiń iri ǵylymı jáne mádenı ortalyǵy bolyp sanalǵan. Basqalardyń arasynda Baǵdad murajaılarymen jáne kitaphanalarymen ǵasyrdan ǵasyrǵa deıin Arab Halıfatynyń eń joǵary damý kezeńderi týraly qundylyqtardy saqtaǵan birden bir kýágeri retinde dańqy shyqty.
