Baǵasy 500 myńdaı turatyn VIP nomerge júzge jýyq jetisýlyq tapsyrys bergen
«Ózderińiz bilesizder jańadan qurylǵan Jetisý oblysynda kóliktiń memlekettik tirkeý nomeri 19-shy bolyp belgilendi. Jańa aımaqtyń belgisin, ıaǵnı 1700 asa adam kóliktiń jańa tirkeý nómerin alyp úlgerdi. Olardyń qatary áli de kóp. Qazir joǵary suranysqa ıe VIP nomerge 98 adam tapsyrys berdi. Budan bólek 45 adam mundaı nomerdi alyp úlgerdi. Jalpy 001, 009, 100, 999, O10, 090,707, 777 sandaryna kóp tapsyrys beriledi»,- dedi Taldyqorǵan qalasyndaǵy mamandandyrylǵan Halyqqa qyzmet kórsetý ortalyǵynyń jetekshisi Sovetbek Bolathanov.
Sovetbek Jylqybekulynyń sózinshe, kóliktiń VIP nomeriniń eń arzany, mysaly 077 baǵasy 174 591 teńge bolsa, ortasha baǵadaǵy 111 nómeri 419 631 teńge, al eń qymbaty demek 007 nomeri 698 364 teńge turady.
Aıta keteıik, qaıta qurylǵan Jetisý oblysynda kóliktiń memlekettik tirkeý nomeri 21 qyrkúıekten bastap berile bastady. Alǵashqy nomerdi 35 jastaǵy Birjan Jańǵabylov aldy. Onyń avtokóliginiń nomeri 019 AAV 19
