Baǵanyń kóterilýine toqtaý qoıa almadyq - Saparbaev
AQTÓBE. QazAqparat - Aqtóbede qant, kókónis baǵasy kúrt ósken. Baǵany bılik baqylaı almady. Bul týraly Aqtóbe oblysynyń ákimi Berdibek Saparbaev alǵashqy jartyjyldyqtyń ekonomıkalyq-áleýmettik qorytyndysynda aıtty, dep habarlaıdy QazAqparat tilshisi.
Aqtóbe oblysynyń ákimi Berdibek Saparbaev búgin BAQ ókilderin janyna ertip, óńirde salynyp jatqan áleýmettik nysandardyń qurylysyn qarap shyqty. «Nurly jer» baǵdarlamasy boıynsha salynyp jatqan turǵyn úı qurylysy men Aqtóbe-Orsk baǵytyndaǵy jol kórsetildi. Tilshiler sport kesheniniń, Jastar saraıy men Oftalmologııalyq emhana, Erkin kúres saraıy, oblystyq murajaı ǵımaratynyń qurylysy jáne Muz aıdyny, Shyǵarmashylyq akademııasynyń nysandaryn qarap shyqty. Memlekettik-jeke menshik bıznestiń áleýmettik jaýapkershiligi aıasynda salynyp jatqan nysandardyń qurylysy 2016 jyly bastalǵan bolatyn. Alǵashqylary iske qosylyp, bıyl birneshe nysan óner, sporttaǵy balalar men jastardyń ıgiligine beriledi. 2017 jyldyń alǵashqy jartyjyldyǵyn qorytyndylaǵan oblystyq ákimi Berdibek Saparbaev aldymen ekonomıkalyq-áleýmettik damý kórsetkishterge toqtaldy.
«Biz halqymyzdyń aldyndaǵy barlyq áleýmettik mindetterimizdi tolǵymyen oryndadyq. ıAǵnı, Memleket basshysy Nursultan Nazarbaevtyń bergen tapsyrmasy oryndalyp jatyr. Halyqtyń ál-aýqaty, turmysy ótken jylmen salystyrǵanda tómendegen joq. Negizgi áleýmettik ekonomıkalyq kórsetkish ótken jylmen salystyrǵanda joǵary. Óndiris ótken jylmen salystyrǵanda 4 paıyzǵa artyq oryndaldy. ıAǵnı, jyl basynan beri 700 mıllıard teńgeniń ónimi óndirildi. Negizgisi - hrom, rels. Dál osyndaı 4 paıyzǵa jýyq ósim aýyl sharýashylyǵynda da bar. Ekonomıkany damytý úshin ınvestıtsııa tartý kerek. Qazirgi tańda oblys ekonomıkasyna 160 mıllıard teńgeniń ınvestıtsııa tartyldy. Bul ótken jylmen salystyrǵanda 32 paıyzǵa joǵarylady. Halyqty jumyspen qamtamasy etý 4,8 paıyzdy qurap otyr», - dedi oblys ákimi Berdibek Saparbaev.
Aıta keteıik, kezdesý kezinde baǵanyń kóterilýi de sóz boldy. «Baǵa máselesinde suraq bar. Baǵanyń kóterileýine toqtaý qoıa almadyq. Ásirese, bizde óndirilmeıtin qant, kókónis, qus eti. Bazarlardy aralap shyqtyq, kartop, sábiz baǵalary ótken aımen salystyrǵanda tómendegen.
Apta saıyn jármeńke ótip jatyr. Oblysta 21 áleýmettik pavılon bar»,- dedi óńir basshysy B.Saparbaev.
