Baǵany retteýde ımporttyq ónimderdi jetkizýshilerge memlekettik kómek naqtylanýy kerek- Nurlan Burshaqbaev
ALMATY. 19 shilde. QazAqparat /Erlik Erjanuly/ - Jemis-jıdek pen kókónis ónimderiniń baǵasyn retteýde kórshiles elderden taýar jetkizýshilerge naqty kómek kerek. Bul búgin Almatyda "Keden odaǵynyń shekarany ashýynyń yqpaly: oń jáne teris yqpaldastyq" degen taqyrypta ótken baspasóz máslıhatynda aıtyldy.
"Aýyl sharýashylyǵynyń áleýeti óte zor. Onda ishki naryqty arzan ári sapaly ónimmen ǵana qamtyp qoımaı, artyq ónimdi syrtqa shyǵarýǵa tolyq múmkindik bar. Eger memlekettik qoldaýdyń naqty tetikteri tolyq iske qosylsa, onda aýyl sharýashylyǵynyń barlyq salasyn qatar damytýǵa qolaıly jaǵdaı bar", - deıdi Qazaqstan keden deklaranttary odaǵy" qaýymdastyǵynyń prezıdenti Nurlan Burshaqbaev. Onyń aıtýynsha, qazir onda ónim óndirýshiler naryqqa tikeleı shyǵa almaýda. Sondyqtan jekemenshik usaq sharýashylyqtardyń kópshiligi óz qajetinen artyq ónim óndirýge asa qulyqty emes. Olardy yntalandyrý úshin ádil básekelestikti qalyptastyrý kerek. Máselen qazir syrttan keletin jáne jergilikti jemis-jıdek pen kókónis baǵasynda esh aıyrma joq. Sondyqtan kórshiles elderden jetkiziletin ónimder de naryqqa deldaldar arqyly kirýde.
