Baǵany qoldan ósirgen gaz satýshylar memleketke 5,5 mlrd teńge shyǵyndy ótedi

ASTANA. QazAqparat – Elimizde suıytylǵan gaz baǵasyn qoldan ósirý faktisi tirkeldi. Tolyǵyraq QR Básekelestikti qorǵaý jáne damytý agenttigi tóraǵasynyń orynbasary Bolat Sámetov aıtyp berdi, dep habarlaıdy QazAqparat tilshisi.

«Ótken jyly elektrondyq saýda alańdary arqyly suıytylǵan munaı gazyn satýdy uıymdastyrý jáne ótkizý tártibi Energetıka mınıstriniń buıryǵymen bekitildi. Tekserý barysynda kóterme satýshylar jaǵdaıdy asyra paıdalanyp, gazdy eń joǵary bazalyq baǵa 110%-ben satqan. Osylaısha olardyń ózindik qunnyń tómendigine qaramastan, tómen baǵamen usynylǵan ótinimderdi elemeıtini anyqtaldy. Atalǵan fakt boıynsha ákimshilik jáne qylmystyq sıpattaǵy sharalar qabyldandy. Memleket kirisine 5,5 mlrd teńgeden astam shyǵyn óteldi», - dedi Bolat Sámbetov Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, agenttik tóraǵasynyń orynbasary suıytylǵan munaı gazy naryǵyndaǵy 89 sýbektige tekserý júrgizilgenin aıtty.

Onyń qorytyndysy boıynsha jalpy somasy 310 mln teńgege aıyppul salynǵan.

Buǵan deıin agenttik tóraǵasynyń orynbasary Bolat Sámetov ıAndeks.Taksı qyzmetiniń baǵasyna qatysty is sotta qaralyp jatqany týraly habarlaǵan edi.

Sondaı-aq, brıfıng barysynda «Air Astana» áýe kompanııasynyń ústinen qozǵalǵan is ákimshilik sotta qaralyp jatqany aıtyldy.