Baǵany ákimshilik jolmen retteý salalardyń ınvestıtsııalyq tartymdylyǵyn tómendetedi – Prezıdent
NUR-SULTAN. QazAqparat – QR Prezıdenti Qasym-Jomart Toqaev Qazaqstan halqyna Joldaýynda baǵalardy ákimshilik jolmen retteý tásilinen birtindep bas tartý kerektigin málim etti, dep habarlaıdy QazAqparat tilshisi.
«Birinshi, baǵalardy ákimshilik jolmen retteý tutas salalardyń ınvestıtsııalyq tartymdylyǵyn tómendetip, taýarlardyń tapshylyǵy men ımportqa táýeldilikke ákeledi. Sondyqtan, memleket baǵanyń qalyptasýyna qatysýynan kezeń-kezeńmen bas tartý kerek», - dedi Qasym-Jomart Toqaev
Meleket basshysy munyń básekege beıim emes naryqtarǵa qatysy joq ekenin eskertti.
«Monopolısterdiń tarıfteri tyǵyz baqylaýda qalyp otyr. Biraq baqylaý degenimiz múlde qysym kórsetý degendi bildirmeıdi», - dedi Prezıdent.
Aıta ketý kerek, búgin Memleket basshysy Qasym-Jomart Toqaev QR Parlamenti palatalarynyń birlesken otyrysynda Qazaqstan halqyna Joldaýyn jarııalaıdy.
Budan buryn habarlanǵandaı, Joldaýdyń negizgi bóligi elimizdiń áleýmettik-ekonomıkalyq damýyna arnalady.
