Bas prokýratýra janyndaǵy quqyq qorǵaý organdary akademııasyna qabyldaý jeńildeıdi

ASTANA. KAZINFORM – Qazaqstan Respýblıkasynyń Bas prokýratýrasy janyndaǵy quqyq qorǵaý organdary akademııasy oqýǵa qabyldaý qaǵıdalaryna ózgerister engizý jónindegi jobany ázirledi.

Negizgi ózgerister akademııanyń magıstratýrasy men doktorantýrasyna qabyldaný tártibine qatysty.

Jańa redaktsııaǵa sáıkes, qujat qabyldaý rásimi jeńildeıdi, atap aıtqanda, úmitkerlerden jaǵymsyz sıpattaǵy málimettiń bar-joǵy týraly aqparatty usyný talap etilmeıdi.

Sonymen qatar, áleýetti úmitkerlerdiń qatary keńeıedi, sebebi endi qujatty quqyq qorǵaý organdarynda qyzmet ótili bar qyzmetkerler ǵana emes, memlekettik qyzmet ótili bar qyzmetshiler de tapsyra alady.

Atalǵan ózgerister quqyq qorǵaý qyzmeti týraly QR Zańynyń 9-babynyń 13-tarmaǵynda bekitilgen, qyzmetkerlerdiń joǵary oqý ornynan keıingi bilim alý quqyǵyn iske asyrýǵa, sondaı-aq quqyq qorǵaý organdary júıesindegi kadrdyń kásibı deńgeıin arttyrýǵa baǵyttalǵan.

Qujat 1 tamyzǵa deıin jurtshylyqtyń talqysyna usynyp otyr. 

Aıta ketsek, elimizde 10 myńnan asa talapker grant konkýrsyna qatysý úshin qujat tapsyrdy.