Bagama araldarynda qatty daýyl boldy
ASTANA. Naýryzdyń 30-y. QazAqparat - Bagama araldarynda qatty daýyl boldy. Jergilikti bılik ókilderiniń habarlaýynsha, turǵyn úıler men avtokólikter zardap shekti.
Tornado saldarynan kran aýdarylyp ketip, úsh adam qaza boldy, taǵy 4 adam jaraqat aldy. Bul týraly Assoshıeıted Press agenttigi habarlap otyr. Oqıǵa Úlken Bagama aralynyń batys jaǵalaýyndaǵy Frıport qalasynyń aılaǵynda oryn alǵan. Aılaqta barlyǵy 10 úlken tehnıka bolǵan, solardyń altaýy daýyldyń saldarynan zardap shekken. Tornada úılerdiń shatyrlaryn ushyryp, aǵashtardy tamyrlarymen julǵan, avtokólikterdi aýdarǵan.
Daýyl AQSh-tyń shyǵys jaǵalaýynan kelip otyr. Tabıǵattyń tosyn mineziniń saldarynan Nıý-Iork, Nıý-Djersı jáne Konneknıkýt shtattarynda sý tasqyny qaýpi jarııalandy.
