Bagam araldaryndaǵy kýrortta úsh amerıkalyq týrıstiń denesi tabyldy
NASSAÝ. QazAqparat – Seısenbi kúni Bagam araldary polıtsııasy Bagamdaǵy kýrorttan úsh amerıkalyq týrıstiń óli kúıde tabylǵanyn málim etti, dep habarlaıdy QazAqparat ABC News basylymyna silteme jasap.
Quqyq qorǵaý organdary demalýshylardyń óliminiń mán-jaıy tergelip jatqanyn aıtty. AQSh azamattarynyń óliminiń yqtımal sebebi – gazdan ýlaný.
Qaza tapqandar Tennessı shtatynyń 68 jastaǵy Maıkl Fıllıps jáne 65 jastaǵy Robbı Fıllıps esimdi turǵyndary, sondaı-aq Florıda shtatynyń 64 jastaǵy Vınsent Chıarella turǵyny. Chıarellanyń áıeli 65 jastaǵy Denıs Chıarella aman qalǵan. Ol emdelý úshin Nıý-Provıdens aralyna (Bagam araldary) áýe arqyly jetkizildi, sodan keıin Florıdadaǵy aýrýhanaǵa aýystyryldy.
Polıtsııanyń málimetinshe, tórt týrıst te ıistenbes buryn dárigerge densaýlyǵynyń nasharlyǵy týraly shaǵymmen júgingen.
Erli-zaıyptylar Eksýma aralyndaǵy Sandals Emerald Bay kýrortynda bir-birine jaqyn jerdegi bólek vıllalarda turǵan.
