Bagam araldarynda «Dorıan» daýyly qurbandarynyń sany 20 adamǵa jetti
NUR-SULTAN. QazAqparat – Bagam araldarynyń bıligi «Dorıan» daýyly saldarynan arhıpelagta kem degende 20 adamnyń qaza tapqandaǵyn anyqtady, dep habarlady sársenbi kúni amerıkalyq The Miami Herald gazeti.
Basylymnyń atap ótýinshe, bul aqparatty araldyq memlekettiń densaýlyq saqtaý mınıstri Dýeın Sandz rastaǵan.
Sońǵy derekterge qaraǵanda, daýyl saldarynan Bagam araldarynda 13 myń nysan tutastaı qıraǵan nemese búlingen. Úlken aýmaqty sý basqan.
Qazirgi ýaqytta Djordjııa shtatynyń jaǵalaýyna jetken «Dorıan» Ońtústik Karolına baǵytyna qaraı 3,5 m/s jyldamdyqpen jyljyp barady.
