Bagam araldarynda Cessna ushaǵy apatqa ushyrady
ASTANA. QazAqparat - Bagam araldarynda shaǵyn Cessna-340 ushaǵy apatqa ushyrady. Onyń bortynda bolǵan tórt adam qaza tapty, dep habarlady Frıport (Úlken Bagam araly) qalasynyń polıtsııasy.
Florıda shtaty Ormond-Bıchten shyqqan ushaq Frıport áýejaıyna jaqyndap qalǵan kezinde apatqa ushyrady. Ushaqtyń taıaz sýǵa qulaýy qurban bolǵandardy izdeýdi qıyndatty, dep naqtylady polıtsııa qyzmetkerleri.
Onyń aıtýynsha, qaza tapqan tórt er adamnyń kim ekendikteri anyqtaldy. Bul aqparat qaıǵyly oqıǵany týysqandaryna jetkizgennen keıin jarııalanatyn bolady. Apat sebepterin anyqtaý úshin tergeý jumystary bastaldy. Ony Bagam araldarynyń bıligi AQSh-tyń kóliktegi qaýipsizdik basqarmasymen birlesip júrgizedi, dep habarlaıdy ITAR-TASS.
