Bagam araldarynda 5 adam «Dorıan» daýylynyń qurbany boldy
NUR-SULTAN. QazAqparat – Bagam araldarynda «Dorıan» daýylynyń saldarynan bes adam kóz jumdy, dep habarlaıdy QazAqparat New York Times-qa silteme jasap.
Premer-mınıstr Gýbert Mınnıstiń málimetinshe, jeksenbi kúni daýyl Bagam araldarynyń soltústik bóligindegi Abako aralyn zaqymdaǵan. Bagamdyq BAQ jeti jasar balanyń qaza tapqanyn málim etti.
Bahamas Press gazeti kýágerlerge silteme jasap, aralda kóp adamnyń kóz jumǵany týraly jazdy.
Daýyl Abako ınfraqurylymyna asa aýqymdy shyǵyn keltirdi. Qyzyl Krest jáne Qyzyl Jarty Aı qoǵamdarynyń halyqaralyq federatsııasy (IFRC) Bagam araldarynda 13 myń úı qıraǵanyn nemese zaqymdanǵanyn málim etti.
AQSh-tyń birqatar ońtústik shtattarynda TJ rejımi engizildi, al jaǵadaǵy okrýgterde evakýatsııa jarııalandy.
