Baǵaly júkter konteınerlerine alty myńnan astam elektrondy qulyp ornatyldy
ASTANA. QazAqparat - Jyl basynan beri alty myńnan astam «Watchlock» elektrondy qulyptary baǵaly júkter tıeletin konteınerlerge ornatyldy, dep habarlaıdy «Qazaqstan temir joly» UK» AQ baspasóz qyzmeti.
«Elektrondy qulyp baǵaly júkterdi alyp júretin baǵdardyń ón boıynda naqty ýaqyt rejiminde baqylaýǵa múmkindik áperedi»,- deıdi «QTJ» UK» AQ fılıaly - «Avtomattandyrý jáne tsıfrlandyrý dırektsııasynyń» dırektory C. Tólebaev.
Onyń aıtýynsha, GPS qurylǵyny qoldaný arqyly qulyptyń ashylǵan, ashylmaǵany, baǵdardy baqylaý, jyldamdyǵy, júk zańsyz ený maqsatyndaǵy is áreketter naqty mezgilde qadaǵalanady.
«Júktiń qalypty jaǵdaıy týraly aqparat avtomatty túrde «Áskerılendirilgen kúzet qyzmeti» AQ dıspetcherlik qyzmetine habarlanady. Ol arqyly fılıaldyń kúzet qyzmeti táýlik boıy taýarlarǵa manıtorıngilik baqylaý júrgizip, fılıaldyń jumysyn úılestirip otyrady»,-deıdi S. Tólebaev.
«Áskerılendirilgen kúzet qyzmeti» AQ áskerılendirilgen kúzet qyzmeti departamentiniń dırektory T. Bekeshevtiń aıtýynsha, «elektrondy belgi berý baılanys qyzmeti urlanýy múmkin baǵaly júkterdi dástúrli kúzet qyzmetimen birge qosymsha júrgiziledi».
Elektrondy qulyptar Qazaqstan aýmaǵyndaǵy ishki baǵdarlarǵa tasymaldaýǵa tıisti konteınerlerge ǵana emes, Qytaıdan Eýropaǵa, Azııaǵa, Reseıge baǵyttalǵan tranzıttik konteınerlik poıyzdarǵa da qoldanylady.
Mamyrdyń basynda «Reseı temir joldary» AAQ men «Qazaqstan temir joly» UK» AQ áskerılendirilgen kúzet qyzmetteriniń ókilderi ótkizgen beınekonferentsııada kompanııanyń merdigerlik jáne qyzmet kórsetý kompanııalary birlesken «GPS qurylǵyly elektrondy qulypty tranzıttik júkterge el aýmaǵymen qatar kórshiles memleketterdiń aýmaǵynda ornatý men baqylaý jasaý jaıynyń tıimdiligine arnaldy.
