Baǵaly metaldardyń zańsyz aınalymyna qarsy kúres kúsheıtiledi – Májilis
NUR-SULTAN. QazAqparat – Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine reıderlikke qarsy kúresti kúsheıtý, kásipkerlik qyzmetti memlekettik organdar men laýazymdy adamdardyń zańsyz aralasýynan qorǵaý jáne baǵaly metaldardyń zańsyz aınalymyna kedergi keltiretin sharalardy kúsheıtý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaıdy QazAqparat tilshisi.
Májilistiń Zańnama jáne sot-quqyqtyq reforma komıtetiniń málimetinshe, zań jobasynda Qylmystyq, Qylmystyq-protsestik kodeksterge, «Prokýratýra týraly» jáne «Baǵaly metaldar men asyl tastar týraly» zańdarǵa túzetýler usynylady.
Olar mynalardy kózdeıdi:
- kásipkerlerdi qorǵaý boıynsha joǵary qadaǵalaý quraldaryn kúsheıtý, atap aıtqanda, bıznes sýbektilerine memlekettik organdar laýazymdy adamdarynyń olardyń qyzmetine zańsyz aralasý faktisi boıynsha tikeleı prokýratýraǵa júginý quqyǵy beriledi;
- kásipkerlerdi salyqtyq quqyq buzýshylyqtar úshin qylmystyq jaýaptylyqqa tartýdyń qoldanystaǵy shekterin qaıta qaraý;
- kásipkerlikti qylmystyq qýdalaý organdarynyń shamadan tys aralasýynan qorǵaý jáne tirkelgen kásipkerlerge qatysty tergeý áreketterin sottyń nemese prokýrordyń sanktsııasymen ǵana júzege asyrý;
- reıderlik pen quqyq qorǵaý jáne baqylaýshy organdardyń kásipkerlerge qatysty zańsyz áreketterine qarsy kúresti kúsheıtý, sondaı-aq baǵaly metaldardyń zańsyz aınalymyna tosqaýyl qoıatyn sharalar.
Atap aıtqanda, Qylmystyq kodekste baǵaly metaldar men asyl tastardyń, quramynda baǵaly metaldar bar shıkizat taýarlarynyń, sondaı-aq zergerlik buıymdardyń zańsyz aınalymy úshin qylmystyq jaýaptylyqty kózdeıtin jeke bapty kózdeý usynylady.
Tutastaı alǵanda, zań jobasynyń normalary azamattardyń quqyqtaryn qorǵaýdy arttyrýǵa, prokýratýranyń qadaǵalaýyn kásipkerlerdiń problemalaryn tıimdi sheshýge qaıta baǵdarlaýǵa múmkindik beredi, kásipkerliktiń óz qyzmetine zańsyz aralasýdan, bıznes sýbektilerin qylmystyq qýdalaý aıasyna tartýdan kepildikterin nyǵaıtady, sondaı-aq osy túzetýler baǵaly metaldardyń zańsyz aınalymyna qarsy kúresti kúsheıtýge múmkindik beredi.
