Baǵaly metaldardy EAEO-ǵa kirmeıtin elderden Qazaqstanǵa ákelý jáne QR-dan osy elderge áketý qaǵıdalary bekitildi
Osy qaýlyǵa qosymshaǵa sáıkes, qaǵıdalardyń talaptary Qazaqstan Respýblıkasynyń transferttik baǵa belgileý týraly ulttyq zańnamasyna sáıkes júzege asyrylatyn transferttik baǵa belgileý kezinde baqylaýǵa jáne QR Ulttyq Bankiniń operatsııalaryna qoldanylmaıdy. Sondaı-aq baǵaly metaldardy EAEO-ǵa kirmeıtin elderden Qazaqstan aýmaǵyna ákelý jáne Eýrazııalyq ekonomıkalyq odaqqa kirmeıtin elderge Qazaqstannan áketý kezinde ýákiletti organ Eýrazııalyq ekonomıkalyq komıssııanyń sheshimine jáne Qazaqstan Respýblıkasynyń zańnamasyna sáıkes memlekettik baqylaý rásimin júzege asyrady. Quramynda baǵaly metaldar bar tústi metaldardyń kenin, kontsentrattaryn jáne kúlin, tústi metaldar óndirisiniń jartylaı ónimderin qospaǵanda, baǵaly metaldardy jáne quramynda baǵaly metaldar bar shıkizat taýarlaryn ákelý kezindegi memlekettik baqylaý quramynda baǵaly metaldar bar taýarlar partııasyn ilespe qujattamada kórsetilgen derekterge, onyń ishinde normatıvtik-tehnıkalyq jáne (nemese) tehnıkalyq qujattamaǵa sáıkestigi turǵysynan tekserýdi, quramynda baǵaly metaldar bar taýarlardyń shyǵarylǵan kózin aıqyndaýdy, álemdik naryqtaǵy baǵalardy eskere otyryp, baǵaly metaldardyń qunyn baǵalaýdy, quramynda baǵaly metaldar bar taýarlarmen mámile jasasý kezinde Qazaqstan Respýblıkasynyń zańnamasy talaptarynyń saqtalýyn baqylaýdy, quramynda baǵaly metaldar bar shıkizat taýarlaryndaǵy baǵaly metaldardyń jáne alynatyn ilespe metaldardyń qamtylýyn baqylaýdy qamtıdy.
«QazAqparat» qujattyń tolyq mátinin jarııalaıdy.
***
Baǵaly metaldardy jáne quramynda baǵaly metaldar bar shıkizat taýarlaryn Eýrazııalyq ekonomıkalyq odaqqa kirmeıtin elderden Qazaqstan Respýblıkasynyń aýmaǵyna ákelý jáne Qazaqstan Respýblıkasynyń aýmaǵynan osy elderge áketý qaǵıdalaryn bekitý jáne Qazaqstan Respýblıkasy Úkimetiniń keıbir sheshimderiniń kúshi joıyldy dep taný týraly
Qazaqstan Respýblıkasy Úkimetiniń 2016 jylǵy «22» shildedegi № 422 qaýlysy
«Baǵaly metaldar men asyl tastar týraly» 2016 jylǵy 14 qańtardaǵy Qazaqstan Respýblıkasynyń Zańy 3-babynyń 2) tarmaqshasyna sáıkes Qazaqstan Respýblıkasynyń Úkimeti QAÝLY ETEDІ:
1. Qosa berilip otyrǵan Baǵaly metaldardy jáne quramynda baǵaly metaldar bar shıkizat taýarlaryn Eýrazııalyq ekonomıkalyq odaqqa kirmeıtin elderden Qazaqstan Respýblıkasynyń aýmaǵyna ákelý jáne Qazaqstan Respýblıkasynyń aýmaǵynan osy elderge áketý qaǵıdalary bekitilsin.
2. Mynalardyń kúshi joıyldy dep tanylsyn:
1) «Baǵaly metaldardy jáne quramynda baǵaly metaldar bar shıkizat taýarlaryn Keden odaǵyna kirmeıtin elderden Qazaqstan Respýblıkasynyń aýmaǵyna ákelý jáne Qazaqstan Respýblıkasynyń aýmaǵynan osy elderge áketý qaǵıdasyn bekitý týraly jáne Qazaqstan Respýblıkasy Indýstrııa jáne jańa tehnologııalar mınıstrliginiń keıbir máseleleri týraly» Qazaqstan Respýblıkasy Úkimetiniń 2004 jylǵy 26 qarashadaǵy № 1237 qaýlysyna tolyqtyrýlar engizý týraly» Qazaqstan Respýblıkasy Úkimetiniń 2011 jylǵy 16 tamyzdaǵy № 924 qaýlysy (Qazaqstan Respýblıkasynyń PÚAJ-y, 2011 j., № 51, 709-qujat);
2) «Baǵaly metaldardy jáne quramynda baǵaly metaldar bar shıkizat taýarlaryn Keden odaǵyna kirmeıtin elderden Qazaqstan Respýblıkasynyń aýmaǵyna ákelý jáne Qazaqstan Respýblıkasynyń aýmaǵynan osy elderge áketý qaǵıdasyn bekitý týraly jáne «Qazaqstan Respýblıkasy Indýstrııa jáne jańa tehnologııalar mınıstrliginiń keıbir máseleleri týraly» Qazaqstan Respýblıkasy Úkimetiniń 2004 jylǵy 26 qarashadaǵy № 1237 qaýlysyna tolyqtyrýlar engizý týraly» Qazaqstan Respýblıkasy Úkimetiniń 2011 jylǵy 16 tamyzdaǵy № 924 qaýlysyna ózgerister engizý týraly» Qazaqstan Respýblıkasy Úkimetiniń 2012 jylǵy 16 mamyrdaǵy № 628 qaýlysy (Qazaqstan Respýblıkasynyń PÚAJ-y, 2012 j., № 50, 681-qujat).
3. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K. Másimov
Qazaqstan Respýblıkasy
Úkimetiniń
2016 jylǵy « 22 » shildedegi
№ 422 qaýlysymen
bekitilgen
Baǵaly metaldardy jáne quramynda baǵaly metaldar bar shıkizat taýarlaryn Eýrazııalyq ekonomıkalyq odaqqa kirmeıtin elderden Qazaqstan Respýblıkasynyń aýmaǵyna ákelý jáne Qazaqstan Respýblıkasynyń aýmaǵynan osy elderge áketý qaǵıdalary
1. Jalpy erejeler
1. Osy Baǵaly metaldardy jáne quramynda baǵaly metaldar bar shıkizat taýarlaryn Eýrazııalyq ekonomıkalyq odaqqa kirmeıtin elderden Qazaqstan Respýblıkasynyń aýmaǵyna ákelý jáne Qazaqstan Respýblıkasynyń aýmaǵynan osy elderge áketý qaǵıdalary (budan ári - Qaǵıdalar) «Baǵaly metaldar men asyl tastar týraly» 2016 jylǵy 14 qańtardaǵy Qazaqstan Respýblıkasynyń Zańyna (budan ári - Zań) sáıkes ázirlengen.
Qaǵıdalar baǵaly metaldardy jáne quramynda baǵaly metaldar bar shıkizat taýarlaryn Eýrazııalyq ekonomıkalyq odaqqa kirmeıtin elderden Qazaqstan Respýblıkasynyń aýmaǵyna ákelý jáne Qazaqstan Respýblıkasynyń aýmaǵynan osy elderge áketý tártibin belgileıdi.
2. Osy Qaǵıdalarda paıdalanylatyn negizgi uǵymdar:
baǵaly metaldar - kez kelgen kúıdegi jáne túrdegi altyn, kúmis, platına jáne platına tobyndaǵy metaldar (palladıı, ırıdıı, rodıı, rýtenıı jáne osmıı);
baǵaly metaldardy óndirý sýbektileri - ýákiletti organ bekitetin tizbede turǵan, Qazaqstan Respýblıkasynyń aýmaǵynda baǵaly metaldardy óndirýdi júzege asyratyn Qazaqstan Respýblıkasynyń zańdy tulǵalary;
quramynda baǵaly metaldar bar shıkizat taýarlary - óńdelmegen baǵaly metaldar (onyń ishinde, quıma túrindegi Dore qorytpasy, katodty metaldar), myrysh shógindileri, baǵaly metaldardyń synyqtary men qaldyqtary, baǵaly metaldardyń kenderi men kontsentrattary, quramynda baǵaly metaldar bar tústi metaldardyń kenderi, kontsentrattary jáne kúli, tústi metaldar óndirisiniń jartylaı ónimderi;
ótinish berýshi - baǵaly metaldarmen jáne quramynda baǵaly metaldar bar shıkizattarmen operatsııalardy júzege asyrýǵa Qazaqstan Respýblıkasynyń zańnamasyna sáıkes quqyǵy bar jáne arnaıy esepte turǵan zańdy tulǵalar jáne (nemese) jeke kásipkerler;
ýákiletti organ - baǵaly metaldardy óndirýdi jáne baǵaly metaldar men asyl tastardyń, quramynda baǵaly metaldar bar shıkizat taýarlarynyń, zergerlik jáne basqa da buıymdardyń aınalymyn retteý salasyndaǵy basshylyqty, sondaı-aq Qazaqstan Respýblıkasynyń zańnamasynda kózdelgen shekterde salaaralyq úılestirýdi júzege asyratyn ortalyq atqarýshy organ.
3. Osy Qaǵıdalardyń talaptary Qazaqstan Respýblıkasynyń transferttik baǵa belgileý týraly ulttyq zańnamasyna sáıkes júzege asyrylatyn transferttik baǵa belgileý kezinde baqylaýǵa qoldanylmaıdy.
4. Osy Qaǵıdalardyń talaptary Qazaqstan Respýblıkasy Ulttyq Bankiniń operatsııalaryna qoldanylmaıdy.
2. Baǵaly metaldardy jáne quramynda baǵaly metaldar bar shıkizat taýarlaryn Eýrazııalyq ekonomıkalyq odaqqa kirmeıtin elderden Qazaqstan Respýblıkasynyń aýmaǵyna ákelý jáne Eýrazııalyq ekonomıkalyq odaqqa kirmeıtin elderge Qazaqstan Respýblıkasynyń aýmaǵynan áketý tártibi
5. Baǵaly metaldardy jáne quramynda baǵaly metaldar bar shıkizat taýarlaryn Eýrazııalyq ekonomıkalyq odaqqa kirmeıtin elderden Qazaqstan Respýblıkasynyń aýmaǵyna ákelý (budan ári - ákelý) jáne Eýrazııalyq ekonomıkalyq odaqqa kirmeıtin elderge Qazaqstan Respýblıkasynyń aýmaǵynan áketý (budan ári - áketý) kezinde ýákiletti organ Eýrazııalyq ekonomıkalyq komıssııanyń sheshimine jáne Qazaqstan Respýblıkasynyń zańnamasyna sáıkes memlekettik baqylaý rásimin júzege asyrady.
6. Quramynda baǵaly metaldar bar tústi metaldardyń kenin, kontsentrattaryn jáne kúlin, tústi metaldar óndirisiniń jartylaı ónimderin qospaǵanda, baǵaly metaldardy jáne quramynda baǵaly metaldar bar shıkizat taýarlaryn (budan ári - quramynda baǵaly metaldar bar taýarlar) ákelý kezindegi memlekettik baqylaý mynalardy qamtıdy:
1) quramynda baǵaly metaldar bar taýarlar partııasyn ilespe qujattamada kórsetilgen derekterge, onyń ishinde normatıvtik-tehnıkalyq jáne (nemese) tehnıkalyq qujattamaǵa sáıkestigi turǵysynan tekserý;
2) quramynda baǵaly metaldar bar taýarlardyń shyǵarylǵan kózin aıqyndaý;
3) álemdik naryqtaǵy baǵalardy eskere otyryp, baǵaly metaldardyń qunyn baǵalaý;
4) quramynda baǵaly metaldar bar taýarlarmen mámile jasasý kezinde Qazaqstan Respýblıkasynyń zańnamasy talaptarynyń saqtalýyn baqylaý;
5) quramynda baǵaly metaldar bar shıkizat taýarlaryndaǵy baǵaly metaldardyń jáne alynatyn ilespe metaldardyń qamtylýyn baqylaý.
7. Quramynda baǵaly metaldar bar tústi metaldardyń kenin, kontsentrattaryn, kúlin, tústi metaldar óndirisiniń jartylaı ónimderin óńdeýge ákelý kezindegi memlekettik baqylaý mynalardy qamtıdy:
1) baǵaly metaldardyń jáne quramynda baǵaly metaldar bar shıkizat taýarlarynyń shyǵarylǵan kózin aıqyndaý;
2) baǵaly metaldarmen jáne quramynda baǵaly metaldar bar shıkizat taýarlarymen mámile jasasý kezinde Qazaqstan Respýblıkasynyń zańnamasy talaptarynyń saqtalýyna baqylaý;
3) quramynda baǵaly metaldar bar shıkizat taýarlaryndaǵy baǵaly metaldardyń jáne alynatyn ilespe metaldardyń quramyn baqylaý.
8. Ákelý kezinde memlekettik baqylaýdyń nátıjelerin ýákiletti organ:
1) quramynda baǵaly metaldar bar taýarlar úshin:
ákelý kezinde - taýardyń árbir partııasyna berilgen memlekettik baqylaý aktisi nysanynda;
qaıta óńdeýge ákelý kezinde - taýardyń árbir partııasyna berilgen memlekettik baqylaý aktisi, sondaı-aq taýarlardy qaıta óńdeý sharttary týraly qujat nysanynda;
2) quramynda baǵaly metaldar bar tústi metaldardyń kenin, kontsentrattaryn jáne kúlin, tústi metaldar óndirisiniń jartylaı ónimderi úshin:
qaıta óńdeýge ákelý kezinde - taýardy qaıta óńdeý sharty týraly qujat nysanynda rásimdeıdi.
9. Memlekettik baqylaý aktisi qujattardy alǵan kezden bastap 5 jumys kúninen aspaıtyn merzimde resimdeledi jáne ótinish berýshige beriledi.
Usynylǵan qujattardyń árbir paraǵy ótinish berýshiniń qolymen jáne mórimen kýálandyrylady, ne qujattardyń kóshirmeleri tigiledi jáne olardyń sońǵy paraqtary ótinish berýshiniń qolymen jáne mórimen kýálandyrylady.
Qujattar Qazaqstan Respýblıkasynyń «elektrondyq úkimet» portaly arqyly elektrondyq qujat nysanynda usynylýy múmkin.
10. Usynylǵan ákelinetin taýardyń quramyndaǵy baǵaly metaldar týraly qujattardyń kelisimshart talaptaryna jáne baǵaly metaldardyń quramy men qamtylýy boıynsha normatıvtik-tehnıkalyq qujattamaǵa sáıkessizdigi anyqtalǵan kezde, ýákiletti organ ótinimdi Qazaqstan Respýblıkasy Ulttyq Bankiniń Kassalyq operatsııalar jáne qundylyqtardy saqtaý ortalyǵyna (fılıalyna) (budan ári - Ortalyq) áketiletin taýarlardyń synamasyna baqylaý synaqtaryn júzege asyrý úshin jiberedi. Osy maqsatta ótinish berýshi ákelinetin taýardyń árbir partııasyn ákelý kezinde ýákiletti organ aıqyndaıtyn tártippen jáne nysanda synamalardy irikteý týraly aktini jasaı otyryp, baqylaý synaqtaryna arnalǵan Qazaqstan Respýblıkasynyń normatıvtik tehnıkalyq qujattamasynda belgilengen tártippen bir ókildik synama alady. Ýákiletti organnyń jazbasha nusqaýy boıynsha ótinish berýshi aldyn ala jasalǵan shartqa sáıkes ortalyqqa baqylaý synaǵy úshin iriktelgen synamany jáne synamany irikteý týraly aktini jetkizedi. Baǵaly metaldardyń quramy men qamtylýy boıynsha baqylaý synaqtary ortalyqqa synama tapsyrylǵan sátten bastap kúntizbelik 15 kúnnen aspaıtyn merzimde ótkiziledi. Ortalyq joǵaryda kórsetilgen synamany mámile aıaqtalǵanǵa deıin, biraq synama qabyldanǵan kúnnen bastap bir jyldan aspaıtyn merzimde saqtaıdy. Ýákiletti organ ortalyqty mámileniń aıaqtalǵany týraly jazbasha túrde habardar etedi.
Sáıkessizdik bolmaǵan kezde ýákiletti organ kórsetilgen bólimde - «Taýar usynylǵan talaptarǵa sáıkes keledi» degen jazý júrgizedi jáne ótinish berýshi kedendik deklaratsııalaýdan ótedi.
11. Taýarlar kedendik aýmaqta qaıta óńdeý jáne ishki tutyný úshin qaıta óńdeý kedendik rásimine ornalastyrylǵan kezde ótinish berýshi memlekettik baqylaý aktisine qosymsha:
kedendik aýmaqta taýarlardy qaıta óńdeý sharttary týraly qujatty (kedendik aýmaqta qaıta óńdeý kedendik rásimine ornalastyrylǵan kezde);
ishki tutyný úshin taýarlardy qaıta óńdeý sharty týraly qujatty (ishki tutyný úshin qaıta óńdeý kedendik rásimine ornalastyrylǵan kezde) alady.
12. Quramynda baǵaly metaldar bar taýarlardy áketý kezinde ýákiletti organ Eýrazııalyq ekonomıkalyq komıssııanyń sheshimderine jáne Qazaqstan Respýblıkasynyń zańnamasyna sáıkes mynalardy:
1) taýarlardyń partııasyn ilespe qujattamada, onyń ishinde normatıvtik tehnıkalyq jáne (nemese) tehnıkalyq qujattamada kórsetilgen málimetterge sáıkestigi turǵysynan tekserýdi;
2) álemdik naryqtaǵy baǵalardy eskere otyryp, baǵaly metaldardyń qunyn baǵalaýdy;
3) quramynda baǵaly metaldar bar shıkizat taýarlaryndaǵy baǵaly metaldardyń shyǵarylǵan kózin aıqyndaýdy;
4) taýarlarmen mámileler jasasý kezinde Qazaqstan Respýblıkasynyń zańnamasy talaptarynyń saqtalýyn baqylaýdy;
5) quramynda baǵaly metaldar bar shıkizat taýarlaryndaǵy baǵaly metaldardyń jáne alynatyn ilespe metaldardyń qamtylýyn baqylaýdy;
6) baǵaly metaldardyń jáne alynatyn ilespe metaldardyń qamtylýy týraly qujattar negizinde Qazaqstan Respýblıkasynda shıkizat taýarlarynan baǵaly metaldardy ónerkásiptik alýdyń múmkindigin (múmkin emestigin) jáne ekonomıkalyq turǵydan oryndylyǵyn (orynsyzdyǵyn) tekserýdi nemese Qazaqstan Respýblıkasynyń aýmaǵynda quramynda baǵaly metaldar bar shıkizat taýarlaryn qaıta óńdeýdiń ekonomıkalyq turǵydan orynsyzdyǵyn nemese múmkin emestigin tekserýdi qamtıtyn memlekettik baqylaýdy júzege asyrady.
13. Quramynda baǵaly metaldar bar tústi metaldardyń kenin, kontsentrattaryn jáne kúlin, tústi metaldar óndirisiniń jartylaı ónimderin áketý kezinde ýákiletti organ Eýrazııalyq ekonomıkalyq komıssııanyń sheshimine jáne Qazaqstan Respýblıkasynyń zańnamasyna sáıkes mynalardy:
1) quramynda baǵaly metaldar bar shıkizat taýarlarynyń baǵaly metaldardyń shyǵarylǵan kózin aıqyndaýdy;
2) taýarlarmen mámileler jasasý kezinde Qazaqstan Respýblıkasynyń zańnamasy talaptarynyń saqtalýyn baqylaýdy;
3) baǵaly metaldar men alynatyn ilespe metaldardyń qamtylýy týraly qujattar negizinde Qazaqstan Respýblıkasynda shıkizat taýarlarynan baǵaly metaldardy ónerkásiptik alýdyń múmkindigin (múmkin emestigin) jáne ekonomıkalyq turǵydan oryndylyǵyn (orynsyzdyǵyn) tekserýdi nemese Qazaqstan Respýblıkasynyń aýmaǵynda quramynda baǵaly metaldar bar shıkizat taýarlaryn qaıta óńdeýdiń ekonomıkalyq turǵydan orynsyzdyǵyn nemese múmkin emestigin tekserýdi;
4) quramynda baǵaly metaldar bar shıkizat taýarlaryndaǵy baǵaly metaldar jáne alynatyn ilespe metaldardyń qamtylýyn baqylaýdy qamtıtyn memlekettik baqylaýdy júzege asyrady.
14. Áketý kezinde memlekettik baqylaýdyń nátıjelerin ýákiletti organ:
1) quramynda baǵaly metaldary bar taýarlar úshin:
áketý kezinde - taýardyń árbir partııasyna berilgen memlekettik baqylaý aktisi, eksportqa berilgen lıtsenzııa jáne Qazaqstan Respýblıkasynda shıkizat taýarlarynan baǵaly metaldardy ónerkásiptik alýdyń múmkindigi (múmkin emestigi) jáne ekonomıkalyq turǵydan oryndylyǵy (orynsyzdyǵy) týraly qorytyndy (budan ári - áketýge arnalǵan qorytyndy) nysanynda;
qaıta óńdeýge áketý kezinde - taýardyń árbir partııasyna berilgen memlekettik baqylaý aktisi, taýarlardy qaıta óńdeý sharttary týraly qujat, Qazaqstan Respýblıkasynyń aýmaǵynda quramynda baǵaly metaldar bar shıkizat taýarlaryn qaıta óńdeýdiń ekonomıkalyq turǵydan orynsyzdyǵy nemese múmkin emestigi týraly qorytyndy (budan ári - qaıta óńdeýge arnalǵan qorytyndy) nysanynda;
2) quramynda baǵaly metaldary bar tústi metaldar kenderi, kontsentrattary jáne kúlderi, tústi metaldar óndirisiniń jartylaı ónimderi úshin:
áketý kezinde - eksportqa berilgen lıtsenzııa, Qazaqstan Respýblıkasynda shıkizat taýarlarynan baǵaly metaldardy ónerkásiptik alýdyń múmkindigi (múmkin emestigi) jáne ekonomıkalyq turǵydan oryndylyǵy (orynsyzdyǵy) týraly qorytyndy (budan ári - áketýge arnalǵan qorytyndy) nysanynda;
qaıta óńdeýge áketý kezinde - taýarlardy qaıta óńdeý sharttary týraly qujat, Qazaqstan Respýblıkasynyń aýmaǵynda quramynda baǵaly metaldar bar shıkizat taýarlaryn qaıta óńdeýdiń ekonomıkalyq turǵydan orynsyzdyǵy nemese múmkin emestigi týraly qorytyndy (budan ári - qaıta óńdeýge arnalǵan qorytyndy) nysanynda resimdeıdi.
15. Áketiletin taýardyń árbir partııasyna memlekettik baqylaý aktisin alý úshin ótinish berýshi ýákiletti organǵa mynadaı qujattardy usynady:
1) Eýrazııalyq ekonomıkalyq komıssııanyń sheshimine sáıkes qujattar nemese olardyń kóshirmeleri;
2) Qazaqstan Respýblıkasy Ulttyq Bankiniń baǵaly metaldardaǵy aktıvterdi tolyqtyrý úshin affınırlengen altyndy satyp alýǵa basym quqyqty iske asyrýdan bas tartqanyn rastaıtyn qujat (affınırlengen altyndy áketý kezinde);
3) quramynda baǵaly metaldar bar shıkizat taýarlaryndaǵy barlyq baǵaly metaldardyń úlestik quramy týraly málimetter kórsetilýi tıis baǵaly metaldar men ilespe alynatyn metaldardyń quramy týraly akkredıttelgen synaq zerthanasy bergen qujat;
4) áketýge arnalǵan qorytyndynyń kóshirmesi (taýardy áketken jaǵdaıda).
5) qaıta óńdeýge arnalǵan qorytyndynyń kóshirmesi (taýardy qaıta óńdeýge áketken jaǵdaıda);
Usynylǵan qujattardyń árbir paraǵy ótinish berýshiniń qolymen jáne mórimen kýálandyrylady ne qujattardyń kóshirmeleri tigiledi jáne olardyń sońǵy paraqtary ótinish berýshiniń qolymen jáne mórimen kýálandyrylady.
Qujattar Qazaqstan Respýblıkasynyń «elektrondyq úkimet» portaly arqyly elektrondyq qujat nysanynda usynylýy múmkin.
16. Áketýge ne qaıta óńdeýge qorytyndy alý úshin ótinish berýshi ýákiletti organǵa mynadaı qujattardy usynady:
1) taýardyń ataýy, onyń ólshem birlikterindegi sany, partııa nómiri kórsetilgen ótinim-hat;
2) quramynda baǵaly metaldar bar shıkizat taýarlaryn óndiretin sýbektiler úshin - jer qoınaýyn paıdalanýǵa arnalǵan kelisimsharttyń kóshirmesi. Bul rette eger buryn osyndaı qujattyń kóshirmesi berilgen bolsa, onda mundaı qujatqa ózgerister men tolyqtyrýlar engizilgen jaǵdaılardy qospaǵanda, jer qoınaýyn paıdalanýǵa arnalǵan kelisimshart usyný talap etilmeıdi;
3) Qazaqstan Respýblıkasynyń zańnamasyna sáıkes quramynda baǵaly metaldar bar shıkizat taýarlarymen operatsııalardy júzege asyrýǵa quqyǵy bar basqa da uıymdar úshin - áketiletin shıkizat taýarlaryna menshik quqyǵyn rastaıtyn qujat;
4) syrtqy saýda shartynyń (kelisimsharttyń) kóshirmesi, oǵan memlekettik jáne/nemese orys tilderindegi qosymsha jáne (nemese) tolyqtyrýdyń, al syrtqy saýda sharty (kelisimsharty) bolmaǵan jaǵdaıda - taraptardyń nıetterin rastaıtyn ózge de qujattyń kóshirmesi. Eger kelisimshart (shart, kelisim) memlekettik jáne/nemese orys tilderinde bolmaǵan jaǵdaıda, onda kelisimsharttyń (sharttyń, kelisimniń) kóshirmesine ótinish berýshi bekitken jáne rastaǵan aýdarmasy (ótinish berýshiniń laýazymy jáne kúni, qoly men móri kórsetilgen) qosa beriledi;
5) quramynda baǵaly metaldar bar shıkizat taýarlaryndaǵy barlyq baǵaly metaldardyń úlestik qamtylýy týraly málimetter kórsetilýi tıis baǵaly metaldar men ilespe alynatyn metaldardyń qamtylýy týraly akkredıttelgen synaq zerthanasy bergen qujat;
6) baǵaly metaldardy óndirýdiń barlyq sýbektilerinen taýarlardy qaıta óńdeýden jáne (nemese) affınajdaýdan bas tartýy nemese ýákiletti organ bekitken tártippen alynǵan osyndaı bas tartýdyń bar ekeni týraly ýákiletti organnyń rastamasy.
Ýákiletti organ áketýge arnalǵan qorytyndyny ne qaıta óńdeýge arnalǵan qorytyndyny ýákiletti organ bekitken nysandar boıynsha ýákiletti organǵa qujattardy usynǵan kezden bastap 7 jumys kúninen aspaıtyn merzimde beredi.
Áketýge ne qaıta óńdeýge arnalǵan qorytyndyny ýákiletti organ baǵaly metaldardy jáne quramynda baǵaly metaldar bar shıkizat taýarlaryn áketýdiń barlyq boljamdy jyldyq kólemine beredi.
Usynylǵan qujattardyń árbir paraǵy ótinish berýshiniń qolymen jáne mórimen kýálandyrylady, ne qujattardyń kóshirmeleri tigiledi jáne olardyń sońǵy paraqtary ótinish berýshiniń qolymen jáne mórimen kýálandyrylady.
Qujattar Qazaqstan Respýblıkasynyń «elektrondyq úkimet» portaly arqyly elektrondyq qujat nysanynda usynylýy múmkin.
17. Memlekettik baqylaý aktisi qujattardy alǵan kezden bastap 5 jumys kúninen aspaıtyn merzimde resimdeledi jáne ótinish berýshige beriledi.
Quramynda baǵaly metaldar bar taýarlarǵa memlekettik baqylaýdy júzege asyrý kezinde ýákiletti organǵa taýardyń barlyq partııasy usynylady.
Quramynda baǵaly metaldar bar tústi metaldar kenderine, kontsentrattaryna jáne kúlderine, tústi metaldar óndirisiniń jartylaı ónimderine memlekettik baqylaýdy júzege asyrý kezinde taýardyń barlyq partııasy ýákiletti organǵa usynylmaıdy.
18. Áketiletin taýarǵa usynylǵan baǵaly metaldardyń qamtylýy týraly qujattar kelisimsharttyń jáne baǵaly metaldardyń quramy men qamtylýy jónindegi normatıvtik tehnıkalyq qujattamanyń talaptaryna sáıkes emestigi anyqtalǵan kezde ýákiletti organ ótinimdi áketiletin taýarlardyń synamalaryna baqylaý synaqtaryn júzege asyrý úshin ortalyqqa jiberedi. Osy maqsattar úshin ótinish berýshi ákelinetin taýardyń árbir partııasyn ákelý kezinde ýákiletti organ aıqyndaǵan tártippen jáne nysan boıynsha synamalardy irikteý týraly akti jasaı otyryp baqylaý synaqtaryna arnalǵan Qazaqstan Respýblıkasynyń normatıvtik tehnıkalyq qujattamasynda belgilengen tártippen bir ókildik synama alady. Ýákiletti organnyń jazbasha nusqaýy boıynsha ótinish berýshi aldyn ala jasalǵan shartqa sáıkes ortalyqqa baqylaý synaǵy úshin iriktelgen synamany jáne synamany irikteý týraly aktini jetkizedi. Baǵaly metaldardyń quramy men qamtylýy boıynsha baqylaý synaqtary ortalyqqa synamalardy tapsyrǵan sátten bastap kúntizbelik 15 kúnnen aspaıtyn merzimde júrgiziledi. Ortalyq joǵaryda kórsetilgen synamany málime anyqtalǵanǵa deıin, biraq synama qabyldanǵan kúnnen bastap bir jyldan asyrmaı saqtaıdy. Ýákiletti organ mámileniń aıaqtalǵany týraly ortalyqty jazbasha túrde habardar etedi.
Sáıkessizdik bolmaǵan jaǵdaıda kórsetilgen bólimde «Taýar qoıylatyn talaptarǵa sáıkes keledi» degen jazý jazylady jáne ótinish berýshi kedendik deklaratsııalaýdy júrgizedi.
19. Áketýge arnalǵan qorytyndyda «Qorytyndy nátıjesi» degen jolda mynadaı jazý engiziledi:
«Qazaqstan Respýblıkasynda usynylǵan shıkizat taýarlarynan baǵaly metaldardy ónerkásiptik alýdyń ekonomıkalyq turǵydan orynsyzdyǵy jáne múmkin emestigi rastalady», mundaı jaǵdaıda taýar eksporttyń kedendik rásimderinde kedendik deklaratsııalaýǵa jatady;
«Qazaqstan Respýblıkasynda usynylǵan shıkizat taýarlarynan baǵaly metaldardy ónerkásiptik alýdyń ekonomıkalyq turǵydan oryndylyǵy jáne múmkindigi rastalady», mundaı jaǵdaıda taýar eksporty kedendik rásimderde kedendik deklaratsııalaýǵa jatpaıdy.
Qaıta óńdeýge arnalǵan qorytyndyda «Qorytyndy nátıjesi» degen jolda mynadaı jazý engiziledi:
«Qazaqstan Respýblıkasynda usynylǵan shıkizat taýarlaryn qaıta óńdeýdiń ekonomıkalyq turǵydan orynsyzdyǵy nemese múmkin emestigi rastalady», mundaı jaǵdaıda taýar keden aýmaǵynan tys qaıta óńdeýdiń kedendik rásimderinde kedendik deklaratsııalaýǵa jatady;
«Qazaqstan Respýblıkasynda usynylǵan shıkizat taýarlaryn qaıta óńdeýdiń ekonomıkalyq turǵydan oryndylyǵy nemese múmkindigi rastalady», mundaı jaǵdaıda taýar keden aýmaǵynan tys qaıta óńdeýdiń kedendik rásimderinde kedendik deklaratsııalaýǵa jatpaıdy.
Áketýge ne qaıta óńdeýge arnalǵan qorytyndyda «Hımııalyq quramy» degen jolda áketiletin taýardyń túıindi sıpattamalary men erekshelikteri, onyń ishinde zııandy qospalar men baǵaly metaldar qamtylýynyń eń joǵary jáne eń az kórsetkishteri kórsetiledi.
20. Áketýge arnalǵan qorytyndyda «Qazaqstan Respýblıkasynda usynylǵan shıkizat taýarlarynan baǵaly metaldardy ónerkásiptik alýdyń múmkin emestigi jáne ekonomıkalyq turǵydan orynsyzdyǵy rastalady» jáne qaıta óńdeýge arnalǵan qorytyndyda «Qazaqstan Respýblıkasynyń aýmaǵynda usynylǵan shıkizat taýarlaryn qaıta óńdeýdiń ekonomıkalyq turǵydan orynsyzdyǵy nemese múmkin emestigi rastalady» degen jazbalardy baǵaly metaldardy óndirýdiń barlyq sýbektilerinen taýarlardy qaıta óńdeýden jáne (nemese) affınajdaýdan bas tartý nemese osyndaı bas tartýdyń bar ekeni týraly ýákiletti organnyń rastamasy bolǵan kezde ýákiletti organ engizedi.
21. Quramynda baǵaly metaldary bar taýarlar Eýrazııalyq ekonomıkalyq odaqtyń kedendik aýmaǵynan tys qaıta óńdeýdiń kedendik rásimine ornalastyrylǵan kezde kedendik deklaratsııalaýdy júrgizgenge deıin ótinish berýshi memlekettik baqylaý aktisine jáne qaıta óńdeýge arnalǵan qorytyndyǵa qosymsha kedendik aýmaqtan tys taýarlardy qaıta óńdeý sharttary týraly qujatty alýy tıis.
22. Áketýge nemese qaıta óńdeýge arnalǵan taýarlardy memlekettik baqylaýdan ótkizgennen keıin Qazaqstan Respýblıkasynyń jáne Eýrazııalyq ekonomıkalyq odaqtyń keden zańnamasyna sáıkes ótinish berýshide:
1) quramynda baǵaly metaldar bar taýarlar úshin:
taýarlardyń eksportyna arnalǵan lıtsenzııa (áketý kezinde);
memlekettik baqylaý aktisi;
kedendik aýmaqtan tys taýarlardy qaıta óńdeýdiń sharttary týraly qujat (qaıta óńdeýge taýardy áketý kezinde);
2) quramynda baǵaly metaldar bar tústi metaldardyń kenderi, kontsentrattary jáne kúlderi, tústi metaldar óndirisiniń jartylaı ónimderi úshin:
taýarlardyń eksportyna arnalǵan lıtsenzııa (áketý kezinde);
áketýge arnalǵan qorytyndy (áketý kezinde);
qaıta óńdeýge arnalǵan qorytyndy (qaıta óńdeýge áketý kezinde);
kedendik aýmaqtan tys taýarlardy qaıta óńdeýdiń sharttary týraly qujat (qaıta óńdeýge áketý kezinde) bolǵan kezde Qazaqstan Respýblıkasynyń memlekettik kirister organdary taýarlardy kedendik deklaratsııalaýdy aıaqtaıdy.
