Baǵalaý qyzmetimen aınalysý quqyǵyna biliktilik emtıhanynan 235 úmitker súrinbeı ótti
ASTANA. 3 maýsym. QazAqparat /Marlan Jıembaı/ -23-26 mamyr kúnderi baǵalaý qyzmetimen aınalysý quqyǵyna úmitker tulǵalar úshin baǵalaý qyzmeti boıynsha komıssııanyń alǵashqy biliktilik emtıhany ótti.
Bul týraly búgin elordada ótken baspasóz máslıhaty barysynda QR Ádilet mınıstrliginiń resmı ókili Erbolat Erimbet málim etti.
Onyń atap ótýinshe, atalǵan synaqqa barlyǵy 640 úmitker shaqyrylǵan. Degenmen emtıhanǵa 484 adam kelip qatyssa, onyń 235-i ǵana synaqtan súrinbeı ótken.
Qaraǵandy oblysy jáne Almaty men Astana qalalarynan kelgen úmitkerler óte jaqsy nátıje kórsetkendigin atap ótken resmı ókil: «Úmitkerler úshin baǵdalaýdyń halyqaralyq standarttary boıynsha, sonymen qatar Azmattyq jáne Jer kodeksteri negizinde daıyndalǵan quqyqtyq suraqtar qıyndyq týdyrdy», - dedi.
E.Erimbettiń sózine qaraǵanda, ókiletti organnyń biliktilik emtıhanynan ótý týraly sheshimi tıisti lıtsenzııa alý úshin qajetti qujattardyń biri bolyp tabylady.
