Baǵalarǵa saı kelmeıtin járdemaqy máselesin sheshýimiz qajet – Ashat Aımaǵambetov

ASTANA. KAZINFORM – Májilis depýtaty Ashat Aımaǵambetov palatanyń jalpy otyrysynda áleýmettik saladaǵy ýaqyt kúttirmeı sheshýdi qajet etetin problemalardy atady.

- Taǵy bir úlken suraq – júzdegen myń azamattyq qyzmetkerlerdiń jalaqysynyń tómendigi men múgedektigi bar 500 myń jannyń, búgingi naryq pen baǵalarǵa saı kelmeıtin járdemaqy máselesin de bolashaqta sheshýimiz qajet.

Prezıdent Ulttyq Quryltaıda «Adal azamat» pen urpaq tárbıeleý máselesine erekshe toqtaldy. Endi muǵalimder men búkil qoǵam sapaly bilim men sanaly tárbıe jumystaryn odan ári kúsheıtýi kerek, - dedi depýtat.

Sondaı-aq, ol mindetti áleýmettik medıtsınalyq saqtandyrý júıesi áli jetildirý kerek ekenin eske saldy. 

- MÁMS-pen qamtylmaǵan 3,5 mln azamat, sapaly medıtsınalyq kómekke qol jetkizý, rettelmegen tarıfter sııaqty problemalar bar. Bul máselelerge Memleket basshysy arnaıy toqtalyp, tıisti tapsyrmalardy berdi, - dedi Ashat Aımaǵambetov.

Aıta keteıik, búgingi Májilis jıynynda Prezıdent Qasym-Jomart Toqaevtyń saıası reformasy talqylanyp jatyr. Oǵan palata depýtattarynan bólek, ǵalymdar men sarapshylar, BAQ basshylary qatysyp otyr.