Baǵaǵa baqylaý kúsheıdi: saýda mınıstri monıtorıng júrgizdi

ASTANA. KAZINFORM — Saýda jáne ıntegratsııa mınıstri Arman Shaqqalıev 1 qańtarda elordadaǵy saýda jelilerine monıtorıng jumystaryn júrgizdi.

Vedomstvo basshysy iri Small, Magnum, Anvar saýda jelilerin aralady.

Saýda jelileri búgin 10:00–de óz jumysyn bastady. Alǵashqy kelýshilerdiń biri bolǵan saýda mınıstri baǵa turaqtylyǵy men sóredegi taýarlardyń qoljetimdiligine, assortımentine basa nazar aýdardy.

— Biz arnaıy 1 qańtarda saýda jelilerin aralap shyqtyq. Maqsatymyz — búgingi baǵanyń turaqty ekenine kóz jetkizý. Eshqandaı ózgeris, tapshylyq joq. Jańa jyldyń aldynda biz saýda jelilerimen birlesip Bereke fest aktsııasyn ótkizdik. Saýda jelileri áli de túrli jeńildikter usynyp jatyr. Sórede taýar toly. Osyndaı turaqty jaǵdaı barlyq saýda obektisinde bolýy kerek, — dedi Arman Shaqqalıev.

Saýda jelileriniń ókilderimen kezdesken mınıstr baǵany turaqty ustaýdy jáne ony negizsiz ósirmeýdi tapsyrdy. Sondaı-aq mınıstr áleýmettik mańyzy bar azyq-túlik taýarlarynyń saýda ústemesine baqylaý jumysy júıeli júrgizilip jatqanyn eske saldy.

Mundaı monıtorıng jumystaryn mınıstrdiń tapsyrmasymen óńirlerdegi saýda jáne tutynýshylardyń quqyǵyn qorǵaý departamentteri jergilikti ákimdikpen birlesip belsendi júrgizip jatyr. Aıta ketý kerek sońǵy 6 apta boıy ÁMAT taýarlarynyń baǵasy turaqty.

Aıta ketelik Almatynyń botanıkalyq baǵyna kirý bıletteriniń baǵasy ózgergeni týraly jazǵan edik.