BAFTA kınojúldesi nomınanttarynyń tizimi jarııalandy
ASTANA. QazAqparat - Brıtandyq kınoakademııa óz saıtynda jyl saıyn ótkiziletin BAFTA kınojúldesi nomınanttarynyń tizimin jarııalady, dep habarlaıdy QazAqparat. Júldeni tabystaý rásimi 10 aqpanǵa belgilengen.
Úzdik fılm ataýyna Spaı Lıdiń «Qara klandyq», Iorgos Lantımostyń «Súıikti», Pıter Farrelıdiń «Jasyl kitap», Alfonso Kýaronnyń «Roma» jáne Bredlı Kýperdiń «Juldyz jandy» fılmderi úmitker bolyp otyr.
«Súıikti» fılmi nomınatsııalar sany boıynsha kósh bastaǵan - ol 12 kategorııadaǵy júldelerge, sonyń ishinde stsenarıı, rejısserlik jáne operatorlyq jumys, montaj, kostıýmder dızaıny, qoıýshy sýretshiniń jumysy úshin úmitker bolyp otyr. Sondaı-aq bul kartına basty áıel rólindegi úzdik aktrısa jáne ekinshi plandaǵy úzdik aktrısa róli úshin de talaspaq. Sońǵy kategorııada birden eki aktrısa - Reıchel Vaıs pen Emma Stoýn usynylyp otyr.
