BAFTA baıqaýynda Dı Kaprıo úzdik akter atandy
ASTANA. QazAqparat - Alehandro Gonsalesa Inıarrıtýdyń «Jansebil» (The Revenant) dramasy Londonda ótken Brıtannyń kıno jáne televıdenııa akademııasynyń syılyǵyn tapsyrý saltanatynda (BAFTA) úzdik fılm dep tanyldy.
«Jansebil» baıqaýda segiz atalym boıynsha usynylyp onyń beseýine qol jetkizdi. Inıarrıtý úzdik rejısser atandy, bas keıipkerdi somdaǵan Leonardo Dı Kaprıoǵa úzdik akter syılyǵy berildi, dep habarlaıdy Bı-Bı-Sı agenttigi.
Baıqaýda Brı Larson «Bólme» fılminde oınaǵan róli úshin úzdik aktrısa dep tanyldy.
BAFTA syılyǵyn kópshilik Amerıka kınoakademııasynyń (Oskar syılyǵy) qazylar alqasynyń daýys berý sharasynyń kórsetkishi dep sanaıdy, óıtkeni osy baıqaýda júldegerleri kelesi syılyqqa da ıe bolýy múmkin.
