Baffettiń kompanııasy óz tarıhynda iri mámile jasamaq
ASTANA. QazAqparat - Mıllıarder Ýorren Baffettiń Berkshire Hathaway ınvestıtsııalyq holdıngi 32 mıllıard dollarǵa aeroǵaryshtyq jáne qorǵanys ónerkásibi úshin metall qurastyrmalaryn óndiretin Precision Castparts korporatsııasyn satyp almaq. Bul mámile Baffet kompanııasynyń tarıhyndaǵy iri satyp alýy bolmaq, dep habarlady Lenta.rý The Wall Street Journal basylymyna silteme jasap.
Basylymnyń habarlaýynsha, Berkshire Hathaway kompanııasy Precision Castparts aktsııalarynyń bir danasyn 235 dollarǵa, ıaǵnı 21 paıyzdyq syıaqysymen satyp alady. Korpoatsııa qaryzyn esepke ala otyryp, mámile 37,2 mıllıard dollarǵa tústi.
Berkshire Hathaway qazirdiń ózinde Precision Castparts 3 paıyzyn ıelengen. Mámile 2016 jyldyń birinshi toqsanyna jabylady. Korporatsııa óz ataýyn saqtap qalady.
Berkshire Hathaway holdıngi álemde naryqtyq kapıtaldandyrý jaǵynan tórtinshi oryn alyp, qarajaty 363 mıllard dollardy quraıdy. Kompanııa saqtandyrý bıznesine, temirjol kóligine, kommýnaldyq kásiporyndarǵa, ónerkásip óndirisine, úı qurylysyna, tamaq ónerkásibi men avtomobılder satýǵa ınvestıtsııa salady.
Precision Castparts avıatsııa jasaýǵa bekitý qurastyrmalaryn shyǵarýmen, sondaı-aq elektr stansalary men munaıgaz salasy úshin qubyrlar jáne basqa da jabdyqtar óndirýmen aınalysady. Korporatsııanyń shtab-páteri Oregon shtatynyń Portlend qalasynda ornalasqan.
