Badmıntonnan el chempıonatynyń jeńimpazdary belgili boldy
ORAL. QazAqparat - Shymkent qalasynda badmıntonnan erler men áıelder arasynda Qazaqstan chempıonaty márege jetti, dep habarlaıdy «QazAqparat» tilshisi.
Badmıntonnan BQO quramasynyń aǵa jattyqtyrýshysy Natalıa Tolkachevanyń aıtýynsha, atalmysh dodaǵa jetpisten astam sportshy qatysyp, baq synady.
Jarys qorytyndysynda erler men áıelder arasynda jekeleı synda ońtústikqazaqstandyqtar Dmıtrıı Panarın jáne Aısha Jumabek jeńimpaz atandy. Juptyq synda erlerden taǵy da ońtústikqazaqstandyqtar Haıtmurat Qulmatov pen Artýr Nııazov ozyp shyqty. Áıelderden juptyq synda qostanaılyqtar Arına Sazonova men Oksana Shtelle jeńis tuǵyryna kóterildi. Aralas synda ońtústikqazaqstandyqtar H.Qulmatov pen A.Jumabektiń mereıi ústem boldy.
El birinshiligine BQO-dan segiz sportshy baryp, sonyń ishinde Aıdana Bógentaeva júldege ilikti. Ol ońtústikqazaqstandyq Ilıana Fılıpchýkpen birge juptyq synda ekinshi orynǵa kóterildi. Sondaı-aq taǵy bir ońtústikqazaqstandyq A.Nııazovpen birge aralas synda kúmis júldege qol jetkizdi. Aıdana - buǵan deıin de QR chempıonattarynda top jarǵan sport sheberi, Qazaqstan quramasynyń múshesi.
Aıta keteıik, badmınton olımpıadalyq oıyn túri bolyp esepteledi.
