Badmınton: Dmıtrıı Panarın elordadaǵy halyqaralyq týrnırdiń 1/8 fınalyna shyqty
ASTANA. KAZINFORM – Astanadaǵy Beeline Arena sport kesheninde badmıntonnan halyqaralyq týrnır ótip jatyr.
Erler arasyndaǵy jekeleı synda Qazaqstan quramasynyń kóshbasshysy Dmıtrıı Panarın 1/8 fınalǵa joldama aldy.
1/16 fınalda otandasymyz Úndistan ókili Arıa Bhıvpatakıdi 2:0 esebimen jeńdi.
Kelesi kezdesýin Panarın 19 jeltoqsanda ótkizedi. Qazaqstandyq sportshy shırek fınalǵa shyǵý úshin Iran ókili Nıma Rostampýrlagaldanımen synǵa túsedi.
Aıta keteıik, jarysqa álemniń 43 elinen sportshylar keldi.
Buǵan deıin elordada badmıntonnan halyqaralyq týrnır bastalǵanyn jazǵanbyz.
