«Badyqova STYLE» nemese erkekter buza almaǵan rekord
«Taptym-aý seni» romantıkalyq komedııasy prokatqa shyqqan úsh apta ishinde (1.12.2023-18.12.2023) buryn sońdy Qazaqstannyń kıno óndirisinde bolmaǵan bıikti baǵyndyrdy.
Fılmniń jalpy tabysy 1,5 mlrd teńgeden asyp, buǵan deıin 1,3 mlrd teńgemen kósh bastaǵan «Bıznes po-kazahskı» franshızasyn az ýaqytta basyp ozdy. Bul buryn shyqqan qazaq fılmderi arasynda kassalyq tabys boıynsha, jańa absolıýtti rekordty kórsetkish.
Fılmdegi basty rólderdi Oljas Abaı men jurtshylyqqa Aısara rólimen tanylyp, sońynan prodıýserliktiń tizginin ustaǵan Darıǵa Badyqova somdady.
«Biz qazir kınokeńistikte jańa juldyzdyń paıda bolǵanyn kórdik. Jańa juldyzdyń janǵanyna kýámiz. Osy jetistigimen Darıǵa Badyqovany quttyqtaımyz. Ol kıno óndirisi salasynda er azamattarmen birge revolıýtsııa jasaı alatynyn dáleldedi. Jalpy, qazaqtyń túpki tarıhyndaǵy, búgin biz umytqan áıel erkindigi, qandaı aýyrlyqty bolsyn erkekpen teń kóterip, qajet bolsa qolyna qarý da alatyn myqtylyǵy mine, dáleldenip jatyr. Darıǵa tabys tabý jaǵynan jańa rekord ornatty. Al endi, bul rekordty buzýǵa kóp jyldar ketetin sııaqty. Degenmen ýaqyt tóreshi. Biz, óz tarapymyzdan osy fılmdi qysqy demalysqa deıin kórsetpekshimiz. Sol arqyly Darıǵa hanymǵa, kassalyq tabysty 2 mıllıard teńgege deıin jetkizýge kómektesemiz dep josparlap otyrmyz», - deıdi Kinopark-Kinoplexx Theaters kompanııasynyń basshysy Almaz Maldybaev.
Sıýjet boıynsha Səýle men Jeksen bir aýylda turatyn dostar. Jeksenniń əjesi úılenbeı júrgen nemeresine qyz taýyp ber - dep Səýlege buıymtaıyn aıtady. Səýle kómektesýge kelisedi. Biraq Jeksenge: «Qandaı jaǵdaı bolmasyn dostyǵymyz buzylmasyn» dep serttesedi. Jeksenge unaıtyn qyz tabylyp, ómiri ózgere bastaıdy. Durys kıinip, óz-ózine qarap, tipti Səýlemen kezdesýi sıreı túsedi. Onyń bulaı ózgergenine ashýlanǵan Səýle de turmysqa shyǵamyn dep, ıÝsýftiń iltıpatyn qabyldaıdy. Bir kúni Jeksen men Sáýle urysyp qalyp, Jeksen ashýmen Alqa esimdi qyzǵa úılenýge sheshim qabyldaıdy...
...Al, bizdiń kórermen bul romantıkalyq oqıǵanyń qalaı aıaqtalatynyn kınoteatrlardan kóre alady. Sebebi, rekord ornatqan fılm áli de prokatta.
