Backstreet Boys jáne NSYNC toptaryn qurǵan prodıýser qaıtys boldy
ASTANA. QazAqparat - Burynǵy mýzykalyq prodıýserdiń neden kóz jumǵany aıtylmaı otyr.
90-shy jyldary Backstreet Boys jáne NSYNC toptaryn qurǵan prodıýser Lý Perlman túrmede 62 jasqa qaraǵan shaǵynda qaıtys boldy. 2008 jyly sot 300 mıllıon dollar somasynda jasaǵan alaıaqtyǵy úshin Perlmandy 25 jylǵa bas bostandyǵynan aıyrǵan, dep habarlady BBC Orys qyzmeti.
Perlman onyń bankrottyǵy týraly isti qaraý ýaqytynda aqsha jymqyrǵanyn jáne jalǵan kýálik bergenin moıyndaǵan.
Ár kezderi Prelmanǵa ózi qurǵan Backstreet Boys jáne NSYNC ujymy talaparyz bergen. Olar Perlmannyń toptan gonorardyń basym bóligin jasyrǵanyn málimdegen.
Onyń qaıtys bolý sebebi ázirge atalmaı otyr.
