Backstreet Boys tobynyń Astanadaǵy kontserti qalaı ótti
ASTANA. KAZINFORM — Elordadaǵy «Astana Arena» stadıonynda aty ańyzǵa aınalǵan Backstreet Boys tobynyń kontserti ótti, dep habarlaıdy Kazinform agenttiginiń tilshisi.
Astana qalasy ákimdiginiń málimetinshe, Qazaqstan astanasyndaǵy kontsertke Germanııa, Polsha, Frantsııa, Túrkııa, Fınlıandııa, Lıtva, Estonııa, Chehııa, Serbııa, Grekııa, Ázerbaıjan, Reseı, Ózbekstan jáne taǵy basqa 45 elden 12 000-nan astam týrıst kelgen.
Keshti uıymdastyrǵan «Astana Kontsert» kompanııasy sharaǵa «Total White» dress-kodyn jarııalady. Bul kontsertke birlik pen stıl atmosferasyn syılady.
Kontserttiń bastalýy bir jarym saǵatqa keshikkenine qaramastan, kórermender súıikti ánshilerin óte jyly qarsy aldy. Top músheleri qazaq tilinde alǵys aıtyp, kórermenderge rızashylyǵyn bildirdi.
Jankúıerler mýzykanttarǵa gúlder men dástúrli shapandar syndy syılyqtar tartý etti.
Kontsertke múmkindigi shekteýli jandar qatysty.
Buǵan deıin Astana halyqaralyq áýejaıynda álemdik pop-sahna ańyzdaryn áýejaı qyzmetkerleri «Everybody» hıti áýenine bılep qarsy alǵan bolatyn. Bul erekshe sáttiń vıdeosyn top múshesi Nık Karter Threads jelisindegi paraqshasynda jarııalady.
Eske sala keteıik, Backstreet Boys tobynyń kontserti 19 qyrkúıekte Almatyda da ótken edi.
Keıinnen Backstreet Boys tobynyń múshesi Aleksandr Djeıms Maklın Qazaqstan jaıly alǵashqy áserimen bólisti.