Backstreet Boys kontsertinen keıin Ortalyq stadıon kógaly qandaı jaǵdaıda

ALMATY. KAZINFORM — «Qaırat» fýtbol klýbynyń ókilderi «Real Madrıdke» qarsy oıyn aldynda Almatynyń óńirlik kommýnıkatsııalar qyzmetinde brıfıng ótkizdi. 

BAQ ókilderi komandanyń bas bapkeri Rafael Ýrazbahtınnen 19 qyrkúıek kúni Ortalyq stadıonynda ótken Backstreet Boys tobynyń kontsertinen keıin alańnyń jaǵdaıy týraly surady.

— Olarda deńgeıi joǵary oıynshylar, sondyqtan bizdiń alańda oınaý qatty qıyndyq týdyrady dep oılamaımyn. Sonymen qatar bizdiń gazonnyń sapasy sondaı jaman dep aıta almaımyn. Qyzmetkerlerimiz ony kútip ustaıdy, qoldarynan kelgenin istep jatyr. Tipti «Seltık», «Slovanǵa» qarsy ótken oıyndarǵa qaraǵanda kógal áldeqaıda jaqsara túsken. Múmkin eń jaqsy alań emes shyǵar, eń jamany da emes, — dedi Rafael Ýrazbahtın.

Eske salaıyq, Almatynyń Ortalyq stadıonynda búgin áıgili Backstreet Boys tobynyń kontserti ótti.

Buǵan deıin Rafael Ýrazbahtın mańyzdy oıyn aldynda komandanyń daıyndyǵy týraly aıtty.

Sondaı-aq jaraqat alǵan «Qaırat» qaqpashylary Temirlan Anarbekov pen Aleksandr Zarýtskııdiń jaǵdaıyna toqtaldy.