Backstreet Boys kontsertine bılet 14 shildeden satyla bastaıdy

ASTANA. KAZINFORM – Amerıkalyq Backstreet Boys toby Astana jáne Almaty qalasynda jeke kontsert beredi. Bul týraly «Astana Kontsert» kompanııasynyń prodıýseri Málik Hasenov málim etti.

Backstreet Boys tobynyń Almaty qalasyndaǵy kontserti 19 qyrkúıekte Ortalyq stadıonda ótedi, Astana qalasyndaǵy kontserti 21 qyrkúıekte «Astana Arena» stadıonynda ótedi.

— Backstreet Boys tobynyń kontsertine bıletter satylymy 14 shilde kúni saǵat 12:00–de Ticketon platformasynda jáne Freedom Super App qosymshasy arqyly bastalady. Taǵy bir aıta ketetin jaıt, Backstreet Boys-tyń Astanadaǵy kontsertiniń bılet baǵasy toptyń álemdik týrymen salystyrǵanda arzan. Bılet baǵasy 40 myń teńgeden bastalady, — dedi Málik Hasenov ortalyq kommýnıkatsııalar qyzmeti alańynda ótken baspasóz máslıhatynda. 

Sondaı-aq kontsert uıymdastyrýshylary deldaldarmen kúresetinderin aıtyp otyr, ıaǵnı bıletterdiń zańsyz satylymyna jol berilmeıdi. 

— Bir adamǵa 4 bılet ǵana satylady, bılet satylymy boıynsha tolyq ashyqtyqty qamtamasyz etemiz, — deıdi ol. 

Eske salaıyq, bıyl 1 tamyzda álemge tanymal pop-juldyz Djennıfer Lopes Astanada kontsert beredi.