Backstreet Boys kontsertine 12 myń týrıst Astanaǵa keledi

ASTANA.KAZINFORM – 21 qyrkúıekte «Astana Arena» stadıonynda álemge áıgili Backstreet Boys toby alǵash ret Qazaqstanda óner kórsetedi.

Álemdik mýzyka tarıhyndaǵy eń tabysty pop-toptardyń biri sanalatyn Backstreet Boys búginde 130 mıllıonnan astam albom satqan.

Astanadaǵy kontsert atalǵan ujymnyń álemdik týrnesiniń bir bóligi bolmaq. Bıyl Las-Vegas qalasyndaǵy The Sphere kesheninde ótken shoýdyń bıletteri bir kúnde 500 myńnan astam dana satylyp, kontsert eń kóp satylymmen ótken sharaǵa aınalǵan bolatyn.

Sonymen qatar Astana ákimdiginiń dereginshe, elordadaǵy kontsertke Germanııa, Polsha, Frantsııa, Fınlıandııa, Lıtva, Estonııa, Chehııa, Serbııa, Grekııa, Ázerbaıjan, Reseı, Ózbekstan jáne ózge de elderdi qosa alǵanda, 45 memleketten 12 myńnan astam týrıst keledi dep josparlanǵan.

Sondaı-aq uıymdastyrýshysy «Astana Kontsert» kompanııasy Total White dress-kodyn jarııalady. Bul talap keshtiń erekshe birlik pen stıl atmosferasyn qalyptastyrýǵa baǵyttalǵan. Áleýmettik jelilerde #GetReadyWithMe heshtegi keńinen tarap, qazaqstandyq jankúıerler bala kúngi kýmırlerin qarsy alýǵa qalaı daıyndalyp jatqanymen bólisip jatyr.

Aıta keteıik, 19 qyrkúıekte Backstreet Boys Almatydaǵy Ortalyq stadıonda da kontsert qoıady.

Djeı Lo kontserti Almatyǵa 10 mlrd teńge tabys ákelgenin jazǵanbyz.