Backstreet Boys kontsertinde 2,5 myń polıtseı qaýipsizdikti qamtamasyz etedi

ALMATY. KAZINFORM – Almatynyń Ortalyq stadıonynda búgin áıgili Backstreet Boys tobynyń kontserti ótedi.

Almaty qalalq polıtsııa departamentiniń málimetinshe, kontsert kezinde qoǵamdyq tártip pen jol qaýipsizdigin qamtamasyz etýge 2,5 myńǵa jýyq polıtsııa qyzmetkeri jumyldyrylady.

- Polıtsııanyń keshendi kúshteriniń kezekshiligi kúsheıtiledi. Qoǵamdyq tártipti saqtaý, quqyqbuzýshylyqtardyń aldyn alý jáne kólik qozǵalysyn retteý máselelerine erekshe kóńil bólinedi, - dep habarlady departamentten.

Sondaı-aq keptelistiń aldyn alý jáne arnaıy kólikterdiń erkin qozǵalysyn qamtamasyz etý úshin Abaı dańǵyly – Baıtursynov, Muqanov jáne Sátbaev kósheleri sheńberinde avtokólik qozǵalysyna ishinara shekteý qoıylýy múmkin.

Eske salaıyq, áıgili Backstreet Boys toby Almatyǵa keshe keldi.

Buǵan deıin kontsert aldynda Ortalyq stadıonda daıyndyq qalaı júrip jatqanyn jazǵanbyz.