Backstreet Boys kontserti: Ortalyq stadıonda daıyndyq qalaı júrip jatyr
ALMATY. KAZINFORM – 19 qyrkúıek kúni Almatynyń Ortalyq stadıonynda Backstreet Boys tobynyń kontserti ótedi.
Qazirgi ýaqytta megapolıstiń basty alańynda sahna turǵyzylǵan, sondaı-aq qajetti jabdyqtar ornatylyp jatyr. Al stadıon aınalasynda kórermender legin kontsertke deıin jáne kontsert kezinde retteý úshin qoldanylatyn qorshaýlar ákelingen. Aýqymdy is-shara kezinde stadıon aýmaǵy birneshe fan-aımaqqa bólinbek.
Sonymen qatar 18 qyrkúıek tańǵy ýaqyttaǵy jaǵdaı boıynsha Ortalyq stadıonnyń jasyl jelegine arnaıy qorǵanysh jabyndysy áli tóselmegen. Degenmen jabyndy daıyn tur, jaqyn ýaqytta ony ornatý jumystary bastalmaq.
Almaty ákimdiginiń málimetinshe, kontsertke 27 myń kórermen jınalady dep josparlanǵan. Kontsert kezinde tártipti qadaǵalaý úshin 2100-den astam polıtsııa qyzmetkeri, 500 ulttyq gvardııa áskeri jáne 200 kúzetshi jumyldyrylady.
Eske salaıyq, Almatyǵa álemdik pop-mádenıet ańyzdaryna aınalǵan — Backstreet Boys toby kelip qoıdy.
