Backstreet Boys Astanaǵa keldi
ASTANA. KAZINFORM - Astanada álemdik pop-mýzyka ańyzdary — 1990-jyldardyń sońy men 2000-jyldardyń áıgili toby Backstreet Boys-ty jankúıerler men elordanyń áýejaı qyzmetkerleri qarsy aldy.
Áýejaı qyzmetkerleri tanymal Everybody hıtiniń áýenimen bı oryndady. Top múshesi Nık Karter bul erekshe sáttiń vıdeosyn Threads paraqshasynda jarııalap:
— Bizdiń tańda Astana áýejaıynda keremet qarsy aldy. Qazaqstanda bizge kórsetip jatqan iltıpattaryńyz úshin sheksiz rızashylyǵymyzdy bildiremiz, — dep jazdy.
Ataqty toptyń kontserti 21 qyrkúıekte «Astana Arena» stadıonynda ótedi. Bul shoý Backstreet Boys-tyń álemdik týrnesiniń bir bóligi bolmaq.
2025 jyly top Las-Vegasta rekord ornatqan edi. The Sphere kontsert keshenindegi shoý tarıhtaǵy bıleti eń kóp satylǵan kontsertke aınalyp, bir kúnde 500 myńnan astam bılet ótip ketken.
Elorda ákimdiginiń málimetinshe, Astanadaǵy kontsertke 45 elden, sonyń ishinde Germanııa, Polsha, Frantsııa, Túrkııa, Fınlıandııa, Lıtva, Estonııa, Chehııa, Serbııa, Grekııa, Ázerbaıjan, Reseı, Ózbekstan jáne basqa da memleketterden 12 myńnan astam týrıst keledi.
Sharany uıymdastyryp otyrǵan «Astana Kontsert» kompanııasy keshke arnalǵan Total White dress-kodyn jarııalady. Ol kontsertke birlik pen stıl atmosferasyn syılamaq.
Osyǵan deıin Backstreet Boys kontserti úshin Astanaǵa 12 myń týrıst keletini týraly jazdyq.