Backstreet Boys Astana saıabaǵynda aǵash otyrǵyzyp, dombyra shertti
ASTANA. KAZINFORM — «Taza Qazaqstan» ekologııalyq aılyǵy aıasynda Beıbitshilik pen kelisim saıabaǵynda senbilik uıymdastyrylyp, oǵan ańyzǵa aınalǵan Backstreet Boys toby da atsalysty, dep habarlaıdy elorda ákimdiginiń resmı saıty.
Beıbitshilik pen kelisim saıabaǵy — konfessııaaralyq jáne mádenıetaralyq dıalogty nyǵaıtýǵa arnalǵan biregeı keńistik. Munda «Juldyzdy aspan» týnneli, «Ómir aǵashy» eskertkishi men satyly sarqyrama ornalasqan.
— «Taza Qazaqstan. Astana — tazalyq pen tártiptiń úlgisi» ekologııalyq aılyǵy aıasynda bul jerde erekshe is-shara boldy: áıgili Backstreet Boys toby elordalyqtarmen birge aǵash otyrǵyzýǵa qatysty. Mýzykanttar ekologııalyq bastamany jyly qabyldap, jasyl qala qurý isine óz úlesterin qosýǵa qýana kelisim berdi. Mundaı aktsııalar tabıǵatty qorǵaý — búkil álem halqyn biriktiretin ortaq qundylyq ekenin eske salady, — delingen habarlamada.
Aıta keteıik, elordada 13 qyrkúıek pen 11 qazan aralyǵynda dástúrli «Taza Qazaqstan. Astana — tazalyq pen tártiptiń úlgisi» ekologııalyq aılyǵy ótip jatyr.
Sonymen qatar mýzykanttar elordanyń kórnekti jerlerimen tanysyp, qazaqtyń ulttyq aspaby — dombyrada oınap kórýge tyrysty. Bul sáttiń vıdeosyn prodıýser Málik Hasenov áleýmettik jelide jarııalady.
Budan buryn búgin Qazaqstan Prezıdenti Teleradıokesheniniń ujymy qala aýmaǵyn kóriktendirip, qoqystan tazalaý úshin jalpyqalalyq senbilikke belsendi atsalysqanyn jazǵan edik.