BABALAR SÓZІ: Uryshta qarttyń Syrymnyń qazasyn estirtýi
ASTANA. QazAqparat - «QazAqparat» halyqaralyq aqparat agenttigi Elbasy Nursultan Nazarbaevtyń 2015 jyly Qazaq handyǵy qurylýynyń 550 jyldyǵyn ótkizý týraly bastamasyna oraı ǵasyrlar tereńinen jetken atadan qalǵan asyl sózdiń máıegi - «Babalar sózi» atty jańa jobasyn iske qosty. Jobanyń negizine «Mádenı mura» baǵdarlamasy aıasynda shyqqan 100 tomdyq aýyz ádebıetiniń jyr-tolǵaýlary, qıssa-dastandar, sóz ustaǵan sheshender men bılerimizden qalǵan naqyldar, tarıhı jádigerler alyndy. Joba materıaldary qazaq tilinde (qazaqsha jáne tóte jazýmen) agenttik saıtynda jarııalanyp otyrady.
***
Syrym Hıýada júrip qaıtys bolady, bala-shaǵasyna estirtýge eldiń adamy jınalyp, eshbir qısynyn taba almaıdy. Eldiń shetinen Uryshta degen bıdi aldyrady. «Syrymnyń ólimin qatyn-balasyna estirtý kerek bolyp sizdi aldyrdyq, soǵan baralyq, baryp estirtelik, siz sony aıtyńyz»,-deıdi halyq. Barady, bir-eki kún qonaq bolǵasyn, qyzmet aıtylady. -Shyraǵym, Qazyjan, Qart atań seniń Dat edi-aý, Esimine isi laıyq emes, Tek bir qoıǵan at edi-aý! Ózińniń atyń Qazy edi-aý, Qysyń da seniń jaz edi-aý! Ákeń seniń Syrym-dy, Kebeje qaryn, keń qursaq, Іshi tolǵan bilim-di. Tek qazaq jurty emes, Bılegendeı er edi-aý Qytaı menen Qyrymdy. Ákeń Syrym aman kelse, Súıinshige berer me ediń, Oljataı men Súgirdi? Sol sekildi Syrekemniń arǵymaq aty súrindi,- deıdi Uryshta qart. Buny estip, Qazy bı qonaqtaryn taratpaı, alǵashqy sadaqasyn berip qaıyrǵan deıdi.
