BABALAR SÓZІ: Shoqannyń qazasyn estirtý
ASTANA. QazAqparat - ASTANA. QazAqparat - «QazAqparat» halyqaralyq aqparattyq agenttigi Elbasy Nursultan Nazarbaevtyń 2015 jyly Qazaq handyǵy qurylýynyń 550 jyldyǵyn ótkizý týraly bastamasyna oraı «Qazaq handyǵyna 550 jyl» atty arnaıy jobany iske qosty. Bul joba aıasynda «Babalar sózi», «Qazaq handary», «Ejelgi qalalar tarıhy», «Halyq qazynasy» qatarly jańa aıdarlar ashyldy.
«Babalar sózi» aıdary negizine «Mádenı mura» baǵdarlamasy aıasynda shyqqan 100 tomdyq aýyz ádebıetiniń jyr-tolǵaýlary, qıssa-dastandar, sóz ustaǵan sheshender men bılerimizden qalǵan naqyldar, tarıhı jádigerler alyndy. «Qazaq handary» aıdarynda tarıhymyzda eline qorǵan bolǵan handardyń ómiri týraly derekter beriledi. Al «Ejelgi qalalar tarıhy» aıdaryna qazaq dalasyndaǵy órkenıettiń ordasy bolǵan kóne qalalardyń tarıhy týraly jazbalar jarııalanady. «Halyq qazynasy» aıdary boıynsha, Qazaqstandaǵy tarıhı, mádenı eskertkishter, qazaq halqynyń salt-dástúrleri, qolóner, qarý-jaraqtary týraly maǵlumattar berilmek. Joba materıaldary qazaq tilinde (qazaqsha jáne tóte jazýmen) agenttik saıtynda jarııalanyp otyrady. *** Qazaqtyń ataqty ǵalymy, belgili aǵartýshy, ári saıahatshy Shoqan Ýálıhanov qaıtys bolǵanda, Tezek tóre ony Shyńǵys sultanǵa eldiń basty adamdary arqyly estirtedi...
Tezektiń sýyt habarlaýy boıynsha, Atyǵaı Keldibek bı men Ádilbek batyr kóp nóker ertip Shyńǵys sultannyń úıine kelip túsedi. Kelse, sultan ishteı seskenip otyr eken. Keldibek bı oıly pishinmen jadyraı sóılep:
- Tóre, dúnıede ne qymbat? - deıdi. - Adam qymbat, - depti Shyńǵys. - Adamǵa ne qymbat? - Bala qymbat, eger súıenish bolar perzent týsa... - Jansyzda ne qymbat eken? - Jansyzda qymbat gaýhar deýshi edi... - Teńizdiń tuńǵıyq jatqan sol gaýhardyń da ıesi bola ma? - E, ıesiz dúnıe bar deısiń be, ár nárseniń eki ıesi bar ǵoı. - Eger osy jandy-jansyz eń qymbattyǵa sol eki ıesi talassa, qaısysy alar edi, - degende, Shyńǵys tóre: «Eń kúshtisi, kúshtisi alady» dep óz sanyn bir soǵypty da: - Meniń gaýharym Muhammed Qanapııaǵa Táńirdiń oǵy tıgen eken ǵoı», - dep ókire jylap, jer baýyrlap jatyp alypty.
Keldibek bı toqtaý aıtyp: - Ýa, Sultan, bala sizdiki edi, baqyty halyqtiki edi. Pulsyz berdi, qunsyz aldy, ne shara! - dep kemseńdep, tóńiregine kóz tastaǵanda, úıdegilerdiń bári eńirepti.
