BABALAR SÓZІ: Raıymbek bulaǵy qalaı paıda boldy?
ASTANA. QazAqparat - «QazAqparat» halyqaralyq aqparattyq agenttigi Elbasy Nursultan Nazarbaevtyń 2015 jyly Qazaq handyǵy qurylýynyń 550 jyldyǵyn ótkizý týraly bastamasyna oraı «Qazaq handyǵyna 550 jyl» atty arnaıy jobany iske qosty. Bul joba aıasynda «Babalar sózi», «Qazaq handary», «Ejelgi qalalar tarıhy», «Halyq qazynasy» qatarly jańa aıdarlar ashyldy.
«Babalar sózi» aıdary negizine «Mádenı mura» baǵdarlamasy aıasynda shyqqan 100 tomdyq aýyz ádebıetiniń jyr-tolǵaýlary, qıssa-dastandar, sóz ustaǵan sheshender men bılerimizden qalǵan naqyldar, tarıhı jádigerler alyndy. «Qazaq handary» aıdarynda tarıhymyzda eline qorǵan bolǵan handardyń ómiri týraly derekter beriledi. Al «Ejelgi qalalar tarıhy» aıdaryna qazaq dalasyndaǵy órkenıettiń ordasy bolǵan kóne qalalardyń tarıhy týraly jazbalar jarııalanady. «Halyq qazynasy» aıdary boıynsha, Qazaqstandaǵy tarıhı, mádenı eskertkishter, qazaq halqynyń salt-dástúrleri, qolóner, qarý-jaraqtary týraly maǵlumattar berilmek. Joba materıaldary qazaq tilinde (qazaqsha jáne tóte jazýmen) agenttik saıtynda jarııalanady.
***
Jońǵar shapqynshylyǵy tusyndaǵy Raıymbek batyrdyń bir isi el esinde máńgi saqtalǵan. Ol óz sarbazdarymen qazaq jerin qalmaq jaýlap alýshylarynan qorǵaǵan eken. Aýyr shaıqastar ótip jatypty. Birde dushpandardy qýyp kele jatyp, Raıymbek jasaǵy qumǵa shyǵyp ketipti. Olardy shól qınaıdy.
Sóıtip olar sý izdeı bastaıdy. Uzaq izdepti, biraq esh jerden sý kózi kórinbeıdi. Jaýyngerler álsireı túsedi. Sonda Raıymbek naızasyn bar kúshimen jerge shanshyp jiberedi. Qaıta sýyryp alǵanda, jerden shapshyp sý shyǵady.
Sol bulaq Almaty oblysynyń Qaraqastek aýylynda kúni búginge deıin bar. Halyq ony qasıetti bulaq dep sanaıdy da, qurmettep «Raıymbek bulaǵy» dep ataıdy.
