BABALAR SÓZІ: «Aıdaharly-Qudaıberli» úńgiri týraly ańyz
ASTANA. QazAqparat - «QazAqparat» halyqaralyq aqparattyq agenttigi Elbasy Nursultan Nazarbaevtyń 2015 jyly Qazaq handyǵy qurylýynyń 550 jyldyǵyn ótkizý týraly bastamasyna oraı «Qazaq handyǵyna 550 jyl» atty arnaıy jobany iske qosty. Bul joba aıasynda «Babalar sózi», «Qazaq handary», «Ejelgi qalalar tarıhy», «Halyq qazynasy» qatarly jańa aıdarlar ashyldy.
«Babalar sózi» aıdary negizine «Mádenı mura» baǵdarlamasy aıasynda shyqqan 100 tomdyq aýyz ádebıetiniń jyr-tolǵaýlary, qıssa-dastandar, sóz ustaǵan sheshender men bılerimizden qalǵan naqyldar, tarıhı jádigerler alyndy. «Qazaq handary» aıdarynda tarıhymyzda eline qorǵan bolǵan handardyń ómiri týraly derekter beriledi. Al «Ejelgi qalalar tarıhy» aıdaryna qazaq dalasyndaǵy órkenıettiń ordasy bolǵan kóne qalalardyń tarıhy týraly jazbalar jarııalanady. «Halyq qazynasy» aıdary boıynsha, Qazaqstandaǵy tarıhı, mádenı eskertkishter, qazaq halqynyń salt-dástúrleri, qolóner, qarý-jaraqtary týraly maǵlumattar berilmek. Joba materıaldary qazaq tilinde (qazaqsha jáne tóte jazýmen) agenttik saıtynda jarııalanady.
***
Erte, erte, ertede, eshki júni bórtede, Qudaıberli degen batyr ómir súripti. Onyń batyrlyǵy sondaı - bir urǵanda tasty úgitip, taýdy qulatady eken. Sol Qudaıberliniń jan degende jalǵyz joldasy bolypty. Ol - Aıdahar eken. Sol Aıdahar Qudaıberliniń jylqysyn jaýdan qorǵaýshy bolsa, sol úshin Qudaıberli Aıdaharǵa kúnine bir jylqy berip túrady eken. Ekeýi tatý-tátti ǵumyr keshipti.
Kúnderdiń bir kúninde Qudaıberliniń jylqyǵa kelgen jalǵyz balasyn Aıdahar shydaı almaı jutyp qoıady. Ashýǵa mingen Qudaıberli batyr kele sala Aıdaharmen aıqasqa túsedi. Kúshi basym bolyp, Aıdahardy alyp soǵyp, qylyshyn sermep qalǵanda, quıryǵyn shaýyp túsiripti deıdi. Janyn saýǵalaı qashqan Aıdahar:
Áı, Qudaıberli, men quıryǵymdy umytpaspyn, sen jalǵyz balańdy umytpassyń, qosh bol! - dep taýdy jaryp kirip ketipti. Sonan halyq Aıdahar kirgen úńgirdi «Aıdaharly-Qudaıberli» dep atap ketipti.
