BABALAR SÓZІ: «Aqsý-Jabaǵyly» ataýy qaıdan shyqqan?
ASTANA. QazAqparat - «QazAqparat» halyqaralyq aqparattyq agenttigi Elbasy Nursultan Nazarbaevtyń 2015 jyly Qazaq handyǵy qurylýynyń 550 jyldyǵyn ótkizý týraly bastamasyna oraı «Qazaq handyǵyna 550 jyl» atty arnaıy jobany iske qosty. Bul joba aıasynda «Babalar sózi», «Qazaq handary», «Ejelgi qalalar tarıhy», «Halyq qazynasy» qatarly jańa aıdarlar ashyldy.
«Babalar sózi» aıdary negizine «Mádenı mura» baǵdarlamasy aıasynda shyqqan 100 tomdyq aýyz ádebıetiniń jyr-tolǵaýlary, qıssa-dastandar, sóz ustaǵan sheshender men bılerimizden qalǵan naqyldar, tarıhı jádigerler alyndy. «Qazaq handary» aıdarynda tarıhymyzda eline qorǵan bolǵan handardyń ómiri týraly derekter beriledi. Al «Ejelgi qalalar tarıhy» aıdaryna qazaq dalasyndaǵy órkenıettiń ordasy bolǵan kóne qalalardyń tarıhy týraly jazbalar jarııalanady. «Halyq qazynasy» aıdary boıynsha, Qazaqstandaǵy tarıhı, mádenı eskertkishter, qazaq halqynyń salt-dástúrleri, qolóner, qarý-jaraqtary týraly maǵlumattar berilmek. Joba materıaldary qazaq tilinde (qazaqsha jáne tóte jazýmen) agenttik saıtynda jarııalanady.
* * * Baıaǵy ótken zamanda Aqsý ózeniniń jaǵasyn úsh basty aıdahar meken etipti. Ol mańaıyndaǵy el-jurtqa tynyshtyq bermeı talaby boıynsha kúnine úsh qoı, eki qyz, eki jigitti jep otyrypty. Sol elde bir jalǵyzbasty kempir jalǵyz qyzymen ómir súrip jatqan eken. Qyzdardyń bári taýsylyp, kezek jańaǵy kempirdiń qyzyna kelipti. Jurt jınalyp úsh qoıdy, qyzdy aıdaharǵa apara jatady. Endi bir jigitti qaıdan tabamyz dep kele jatqanda jabaǵyǵa mingen bir jas bozbala qarsy jolyǵady. Mán-jaıdy túsingen jańaǵy jigit qyzǵa: -Úsh qoıdy soıyp, sen aıdaharǵa bara ber, men de kóp uzamaı artyńnan jetermin,-deıdi. Aıdahar úsh qoıdy jep bolyp, endi qyzdy jutýǵa oqtala bergende júgire basyp jetken jigit qolyndaǵy qylyshymen aıdahardyń ishine enip ketedi. Sóıtip, júregin jaryp, aıdahardy da óltiredi, ózi de óledi. Jınalǵan jurt qarasa jańaǵy ólgen jigittiń jabaǵysy ózenniń jıeginde jaıylyp júr eken. Erlik kórsetken jigitti eske saqtaý úshin, kópshilik sol jerdi «Aqsý-Jabaǵyly» dep ataǵan eken.
