BABALAR SÓZІ: Aǵybaı kesken qumbel
ASTANA. QazAqparat - «QazAqparat» halyqaralyq aqparattyq agenttigi Elbasy Nursultan Nazarbaevtyń 2015 jyly Qazaq handyǵy qurylýynyń 550 jyldyǵyn ótkizý týraly bastamasyna oraı «Qazaq handyǵyna 550 jyl» atty arnaıy jobany iske qosty. Bul joba aıasynda «Babalar sózi», «Qazaq handary», «Ejelgi qalalar tarıhy», «Halyq qazynasy» qatarly jańa aıdarlar ashyldy.
«Babalar sózi» aıdary negizine «Mádenı mura» baǵdarlamasy aıasynda shyqqan 100 tomdyq aýyz ádebıetiniń jyr-tolǵaýlary, qıssa-dastandar, sóz ustaǵan sheshender men bılerimizden qalǵan naqyldar, tarıhı jádigerler alyndy. «Qazaq handary» aıdarynda tarıhymyzda eline qorǵan bolǵan handardyń ómiri týraly derekter beriledi. Al «Ejelgi qalalar tarıhy» aıdaryna qazaq dalasyndaǵy órkenıettiń ordasy bolǵan kóne qalalardyń tarıhy týraly jazbalar jarııalanady. «Halyq qazynasy» aıdary boıynsha, Qazaqstandaǵy tarıhı, mádenı eskertkishter, qazaq halqynyń salt-dástúrleri, qolóner, qarý-jaraqtary týraly maǵlumattar berilmek. Joba materıaldary qazaq tilinde (qazaqsha jáne tóte jazýmen) agenttik saıtynda jarııalanady.
***
Kenesary, Naýryzbaı, qolbasshy Aǵybaı batyr qyrǵyzdarmen bolǵan soǵystyń bir kezeńinde Alataýdan aǵyp Ystyqkólge quıatyn Qumbel ózeninde kezdesipti. Ózenniń aǵysynyń qattylyǵy sondaı, tastardy domalatyp aǵyzady eken, esh ótkel bermepti. Sonda Aǵybaı batyr: «Oı, arǵyndar! Sender áýp deseńder Alataýdy da qulatasyńdar, attaryńnan túsip, qarý-jaraqtaryńdy bir jerge úıip, ózendi aǵysynan tas tastap, bógender», - depti. Sodan bastap sol jer «Aǵybaı kesken Qumbel» dep atalypty.
