BAÁ: túıeler arasynda sulýlyq saıysy uıymdastyryldy
ASTANA. 30 jeltoqsan. QazAqparat - Birikken Arab Ámirlikterinde sulýlyq saıysy uıymdastyryldy. Onda ádettegideı sulý qyzdar emes, órkeshti janýarlar synǵa túsedi.
Jarysta túıelerdiń bas ólshemi, moıyn uzyndyǵy jáne kirpikteriniń aıqyndylyǵy sarapqa salynady.
15 kúndik erekshe sulýlyq saıysyna 25 myń túıe qatysýda. Sherý 2 jeke saıystan turady. Birine Birikken Arab Ámirlikteri men Omannan shyqqan asyl tuqymdy túıeler qatysady. Al ekinshisinde Saýd Arabııasynan shyqqan qara júndi janýarlar synǵa túsip jatyr. Saıysqa tigiletin syılyq qory 13,5 mln. AQSh dollaryn qurap otyr, dep jazady sheteldik BAQ.
