BAÁ turǵyny shól dalada adasqan eki týrısti aman alyp qaldy
ASTANA. QazAqparat - BAÁ turǵyny shól dalada adasqan eki eýropalyq týrısti qutqardy. Bul jaıly emırattyq WAM aqparat agenttigi habarlaıdy.
Jergilikti turǵyn kezdeısoq taýyp alǵan kezinde júdep-jadap shólirkegen týrıster ólýdiń az-aq aldynda qalǵan. Qutqarýshy olarǵa alǵashqy kómek kórsetip, úıine alyp kelgen.
Týrısterdi aman alyp qalǵan er adam Shardjı polıtsııasynyń resmı alǵysyn aldy. Zardap shegýshi týrısterdiń qaı elden kelgendigi jaıly naqty málimet joq.
