BAÁ turǵyndaryna jabaıy ań asyraýǵa tyıym salyndy
ASTANA. QazAqparat - Birikken Arab Ámirlikteri (BAÁ) janýar asyraý talaptaryn edáýir kúsheıtti jáne úı ishinde jabaıy ań ustaýǵa tyıym saldy. Bul týraly Zawya resýrsy habarlady.
Budan bylaı barys, gepard syndy ózge de ekzotıkalyq janýarlardy tek zoobaqtar men ǵylymı ortalyqtarda ustaýǵa bolady. Eger qarapaıym turǵyn asyrap alar bolsa, úsh myńnan 136 myń dollarǵa deıin aıyppul tóleıdi. Janýardy ózge adamdarǵa aıtaqtaǵandar úsh jyldan jeti jylǵa deıin bas bostandyǵynan aıyrylady. Eger úı janýarynyń shabýylynan adam mert bolsa, ıesi ómir boıy bas bostandyǵynan aıyrylady.
