BAÁ Tegerandaǵy elshiligin jaýyp, dıplomattaryn keri qaıtarmaq

ASTANA. KAZINFORM — Birikken Arab Ámirlikteri aımaqtaǵy jaǵdaıdyń shıelenisýine baılanysty Tegerandaǵy elshiligin jabatynyn jáne elshi men dıplomattaryn Iran astanasynan keri shaqyratynyn jarııalady, dep habarlady BAÁ Syrtqy ister mınıstrligi.

«Turǵyn aýdandarǵa, áýejaılarǵa, porttarǵa jáne qyzmet kórsetý salasynyń nysandaryna baǵyttalǵan shabýyldar – jazyqsyz beıbit turǵyndarǵa qaýip tóndirdi, aıtarlyqtaı jáne jaýapsyz eskalatsııany kórsetedi, ulttyq táýelsizdiktiń ashyq buzylýy, sondaı-aq halyqaralyq quqyq pen BUU Jarǵysynyń naqty buzylýy», dep habarlady vedomstvo.

BAÁ Syrtqy ister mınıstrliginiń málimetinshe, bul sheshim eldiń qaýipsizdik pen táýelsizdikke qatysty berik ustanymyn kórsetedi. Ony qabyldaýǵa sebep — eskalatsııany azaıtýǵa kedergi keltiretin turaqty provokatsııalar, bul aımaqtaǵy jáne álemdegi beıbitshilik pen turaqtylyqqa qaýip tóndirýi, sondaı-aq energetıkalyq qaýipsizdik pen ekonomıkany áser etýi múmkin.

Eske sala keteıik, 1 naýryzda Dýbaı halyqaralyq áýejaıyna shabýyl jasaldy. Djebel-Alı portyndaǵy kemelerdiń júk aılaǵyna qulaǵan zymyran qaldyqtardyń saldarynan órt shyqty. Jergilikti áýejaılar jabyldy jáne dabyl rejımi jarııalandy. Abý-Dabıde Iran zymyrandaryn joıý kezinde bir adam qaza tapty.