BAÁ sırııalyq bosqyndarǵa 60 000 000 dollar bóletin boldy

ASTANA. QazAqparat - Birikken Ulttar Uıymynyń sırııalyq bosqyndarǵa 220 mln dırham (60 mln dollar) mólsherinde kómek kórsetý jónindegi úndeýin Birikken Arab Ámirlikteri qabyldady, dep habarlaıdy muslim.kz.

Osy eldiń Damý jáne halyqaralyq yntymaqtastyq jónindegi mınıstri Lýbna bınt Halıd ál-Qasymnyń aıtýynsha, Birikken Arab Ámirlikteriniń bıligi Sırııadaǵy gýmanıtarlyq apattyń sál de bolsa betin qaıtarý úshin osyndaı qadamǵa baryp otyr.

Onyń sózine qaraǵanda, 220 mln dırhamnyń 183 mıllıony BUU-nyń Sırııadaǵy baǵdarlamasynyń júzege asyrylýyna jumsalady. Al 37 mıllıony Iordanııadaǵy sırııalyq bosqyndarǵa kómek kórsetetin uıymnyń aımaqtaǵy jospary úshin bólinedi.