BAÁ shól ortasynda jasandy taý turǵyzbaq
ASTANA. QazAqparat - Birikken Arab Ámirligi taý turǵyzyp, jaýyn shaqyryp, klımatty ózgertýge nıetti. Taý «qurylysy» shóldi jerge jaýyndy tartýǵa kómektesedi, dep habarlady hi-news.ru.
BAÁ úkimeti Ýnıversıtettik atmosferalyq zertteýler korporatsııasy men meteorologııa men seısmologııany zertteý boıynsha arab ulttyq ortalyǵyna júgindi. Olar taý turǵyzý múmkindigin jáne bul úshin qolaıly jerdi qarastyrady. Qazir ǵalymdar taýdy salý múmkin be, joq pa ekenin, jaýyndy shaqyrtý úshin taýdyń bıiktigi qansha bolý kerektigin anyqtap jatyr.
BAÁ-da taý qurylysy bastalǵanǵa deıin NCAR ǵalymdary men zertteýshileri atalǵan jobanyń qunyn eseptep, ony júzege asyrý múmkindigin qarastyrýy qajet. Eger el úkimeti bul aýqymdy jobany el bıýdjeti kóteretinine kóz jetkizgen soń ǵana ınjenerler komandasy ony júzege asyrýǵa kirisedi.
