BAÁ sheıhy Fıýrıge jekemenshik ıahtada Klıchkomen qarymta aıqas ótkizýdi usyndy
ASTANA. QazAqparat - Esimi atalmaǵan BAÁ-degi mıllıarder sheıh brıtandyq boksshy Taıson Fıýrıge ýkraınalyq Vladımır Klıchkoǵa qarsy qarymta jekpe-jegin óziniń ıahtasynda ótkizýdi usyndy.
Bul týraly The Daily Mirror jazady.
Biraq brıtandyq bul usynysty qabyldamady. Onyń aıtýynsha, mundı aıqasty dáýletti júz adam emes, búkil álem kórýi tıis.
Sheıhtiń kemesi 120 adamdy syıdyra alady. Ol árbir bılet úshin mıllıon dollardan paıda tapqysy kelgen.
Qańtarda Taıson Fıýrı men ýkraınalyq Vladımır Klıchkonyń arasyndaǵy qarymta kezdesýdiń ótkiziletin kúni ataldy. Aldyn ala málimetter boıynsha, ol 2016 jyldyń 7 mamyrynda bolýy tıis. Ótkizilýi múmkin oryn retinde Mıýnhendegi «Alıants Arena» atalyp otyr.
28 qarashada Dıýsseldorfta Fıýrı tóreshilerdiń biraýyzdan qabyldaǵan sheshimimen Klıchkony súrindirip, odan IBF, IBO, WBO nusqalary boıynsha álem chempıony tıtýldaryn, jáne WBA nusqasy boıynsha aýyr salmaqtaǵy chempıon tıtýlyn tartyp alǵan edi.
