BAÁ Ramazan aıynda týrısterge bir kún oraza ustaýdy usynady
ASTANA. 11 shilde. QazAqparat - Ramazan aıynda Birikken Arab Ámirlikterine týrıster kóbinese kári qurlyqtan nemese Parsy shyǵanaǵy elderinen keledi.
Osyǵan baılanysty Dýbaıdyń saýda-sattyq jáne festıvalder vedomstvosy arnaıy baǵdarlama qabyldady. Atalmysh baǵdarlamaǵa oraı syrttan kelgen qonaqtar Ámirlikterdiń mádenı jáne rýhanı muralarymen ári qundylyqtarymen tanysatyn bolady. Vedomstvonyń atqarýshy dırektory Leıla Sýhaıldiń habarlaǵanyndaı, bıylǵy jyly «Dýbaıdaǵy Ramazan aıy» dep atalatyn baǵdarlama osymen úshinshi ret ótip otyr. Bul týraly Áziret Sultan meshitiniń resmı saıty muslim.kz jazady.
Meımandar dástúrge aınalǵan ıslam óneriniń kórmesin, saýda-sattyqty jáne jármeńkeni tamashalap qana qoımaı, qasıetti Quran kýrsyna qatysa alady. Sondaı-aq, «Rashıdıııa» meshitinde taraýyq namazy kezinde ýaǵyz tyńdaı alady. Al Ramazan aıynyń 19-shy kúni nanym-senimi ózge adamdarǵa bir kún oraza ustap kórý jóninde usynys aıtylady.
