BAÁ Ramazan aıynda mıllıon balany kıindirmek
ASTANA. 19 shilde. QazAqparat - Birikken Arab Ámirlikterinde osynaý qasıetti Ramazan aıynda «Búkil álem boıynsha bir mıllıon balany kıindireıik» dep atalatyn qaıyrymdylyq naýqany bastaldy. Bul sharaǵa Dýbaı ámirshisi ári BAÁ vıtse-prezıdenti, sheıh Muhammed bın Ráshıd ál-Maqtum ózi bas-kóz bolýda, dep jazady muslim.kz.
Ramazan aıy bastalǵaly beri bes kúnniń ishinde osy maqsatta 19,5 mln. dırham (5,4 mln. dollar) jınaldy. Uıymdastyrýshylardyń sózine qaraǵanda, bul qarajatqa 500 myń muqtaj balany kıindirýge bolady. Alda áli eki apta ýaqyt bar. Osynaý qaıyrymdylyq sharasyna atsalysyp, saýap alǵysy keletinder osy ýaqyt aralyǵynda bir balany kıindirýge ketetin 40 dırhamdy (11 dollardy) sadaqaǵa berýine bolady. Atalmysh aktsııaǵa asa iri sýpermarketter, uıaly baılanys operatorlary, saýyq-saıran saıabaqtary atsalysýda. Dýbaıdyń Ulttyq banki naýqanǵa óz úlesin qosý úshin 20 mln. dırham (548 myń dollar) aýdardy.
Qasıetti Ramazan aıy tek aýyz bekitip, oraza ustaý aıy ǵana emes, sonymen birge, qaıyrymdylyq jasaý aıy ekenin aıta ketý kerek. Bul aı, ásirese, balalarǵa sonysymen qyzyq, sonysymen este qalady.
